ايەلدەر اراسىنداعى قازاقستاننىڭ ءبىرىنشى, الەمنىڭ 26-راكەتكاسى ەلەنا رىباكينا چەحيانىڭ وستراۆا قالاسىندا ءوتىپ جاتقان WTA 500 ءتۋرنيرىنىڭ ەكىنشى اينالىمىنا جولداما الدى.
جەرلەسىمىز جۇلدە قورى 611 210 ەۋرونى قۇرايتىن جارىستىڭ العاشقى اينالىمىندا الەمنىڭ 17-راكەتكاسى امەريكالىق مەديسون كيزبەن شەبەرلىك بايقاستى. بيىلدىققا ەكى تەننيسشى وسىمەن ءۇشىنشى مارتە ءبىر-بىرىمەن كەزدەستى. «رولان گارروستىڭ» ەكىنشى اينالىمىندا وتكەن ءبىرىنشى ماتچتا امەريكالىق تەننيسشى 3:6, 6:1, 7:6 ەسەبىمەن جەڭىسكە جەتتى. كەيىننەن اراعا ءۇش اي سالىپ ولار اقش-تىڭ تسينتسينناتي قالاسىنداعى WTA تۋرنيرىندە باق سىناستى. وكىنىشكە قاراي, بۇل جولى دا كيزدىڭ مەرەيى ۇستەم بولدى – 6:2, 6:4.
ال كۇنى كەشە وتكەن ەكى تەننيسشىنىڭ اراسىنداعى ءۇشىنشى باسەكە جەرلەسىمىزدىڭ پايداسىنا اياقتالدى. ءبىرىنشى سەتتە امەريكالىق تەننيسشى 7:5 ەسەبىمەن باسىم تۇسكەنىمەن, كەيىنگى ەكى سەتتە ە. رىباكينا ويىن تىزگىنىن ءوز قولىنا الىپ, 6:3, 6:3 ناتيجەسىمەن قارسىلاسىن تىزە بۇكتىردى.
ە.رىباكينا كەلەسى كەزەڭدە الەمنىڭ 16-راكەتكاسى لاتۆيالىق ەلەنا وستاپەنكو نەمەسە الەمدىك رەيتينگتە 31-ساتىدا تۇرعان بەلارۋس وكىلى الەكساندرا ءساسنوۆيچتىڭ بىرىمەن وينايدى.