قازاقستاندىق تيموفەي سكاتوۆ جەكەلەي سىندا براگا (پورتۋگاليا) چەللەندجەر جارىسىنىڭ جارتىلاي فينالىنا ءوتتى, دەپ حابارلايدى Egemen.kz قتف-عا سىلتەمە جاساپ.
دۇنيەجۇزىلىك رەيتينگتە 242-ورىندا تۇرعان قازاقستاندىق تەننيسشى شيرەك فينالدا الەمنىڭ 121-ءىنشى, دودانىڭ ەكىنشى راكەتكاسى, يسپانيالىق كارلوس تابەرنەرمەن شەبەرلىك بايقاستى. ءبىرىنشى پارتيا تارتىستى ءوربىپ, تاي-برەيكتە سكاتوۆ ءساتتى ويناي ءبىلدى. ەسەپ - 7:6 (7:2). ەكىنشى سەتتە تيموفەي قارسىلاسىنا بىردە-ءبىر گەيم بەرگەن جوق. ەسەپ - 6:0.
تيموفەي فينالعا شىعۋ ءۇشىن الەمنىڭ 308-راكەتكاسى, امەريكالىق نيكولاس مورەنو دە البورەن نەمەسە رەيتينگتە 341-ساتىداعى يسپانيالىق حاۆەر كوسانو باررانكونىڭ بىرەۋىمەن كەزدەسەدى.