ۇلتتار ليگاسى اياسىندا بەلارۋس قۇراماسىن قابىلداعان جەرلەستەرىمىز قارسىلاستارىن 2:1 ەسەبىمەن ۇتتى. ماتچتان كەيىن ۇلتتىق قۇرامانى جاتتىقتىراتىن باس باپكەر ماگومەد اديەۆ پىكىر ءبىلدىردى, دەپ حابارلايدى Egemen.kz.
«ەڭ الدىمەن سىزدەرگە قولداۋ كورسەتكەندەرىڭىز ءۇشىن العىسىمدى ايتقىم كەلەدى. سوڭعى ءۇش اي ىشىندە جىلى لەبىزدەرىڭىزدى ەستىپ, مارقايىپ قالدىم. مۇنداي جاعداي مەنىڭ ومىرىمدە العاش رەت بولىپ وتىر. بۇل ەرتەگىنىڭ اياقتالماۋىن جانە الداعى ۋاقىتتا دا «استانا ارەنانىڭ» ءدال وسىلاي تولىپ, بۇگىنگىدەي قولداۋ كورسەتكەنىن قالايمىن. ال مەن ءوز كەزەگىمدە, سىزدەردى جىگىتتەر بولاشاقتاعى ويىنداردىڭ بارىندە جۇرەكپەن وينايدى دەپ سەندىرگىم كەلەدى. ستاديونداعى اتموسفەرا ءۇشىن ايتار العىسىم شەكسىز», دەدى ول.
سونداي-اق ول ويىن بارىسىندا فۋتبولشىلاردى جەڭىسكە قالاي جەتەلەگەنىن دە ايتتى.
ء«بىرىنشى تايم شيەلەنىسكە تولى بولدى. ويىنعا ارنالعان جوسپارىمىزدىڭ ىسكە اسپاي جاتقان تۇستارى دا بولدى. سوندىقتان ەكىنشى تايمدا بۇل جوسپاردان ءسال اۋىتقۋعا تۋرا كەلدى. ەڭ باستىسى, ءۇزىلىس كەزىندە جىگىتتەردى سابىرعا شاقىرىپ, جىگەرىن قايراپ جىبەردىك. ەكىنشى تايمدا جاقسى ويناپ, لايىقتى تۇردە جەڭىسكە جەتتىك», دەدى باس باپكەر.