قما شىمكەنت قالاسى بويىنشا دەپارتامەنتىمەن «ستوپ يگرا» شۇعىل ءىس-شاراسى بارىسىندا قالا اۋماعىندا زاڭسىز ويىن بيزنەسىن ۇيىمداستىرۋ فاكتىسى انىقتالدى, دەپ حابارلايدى Egemen.kz اگەنتتىكتىڭ ءباسپاسوز قىزمەتىنە سىلتەمە جاساپ.
ءىس-شارا اياسىندا جۇيەلىك بلوكتار, مونيتورلار, نوۋتبۋك, ويىن تەرمينالدارى, رۋلەتكا ويىن اپپاراتى, چەك شىعاراتىن قۇرىلعى جانە باسقا دا تەحنيكا قۇرالدارى انىقتالىپ, تاركىلەندى.
ءىس سوتقا جولدانىپ, زاڭسىز ويىن بيزنەسىن ۇيىمداستىرعان ازامات كىنالى دەپ تانىلىپ, 1 جىل باس بوستاندىعىنان شەكتەۋ جازاسى تاعايىندالعان.
«ويىن بيزنەسى تۋرالى» زاڭعا سايكەس, كازينو مەن ويىن اۆتومات زالدارى الماتى وبلىسىندا قاپشاعاي سۋ قويماسىنىڭ جاعالاۋىندا جانە اقمولا وبلىسىنىڭ ششۋچە اۋدانىندا جەرگىلىكتى اتقارۋشى ورگاندار ايقىندايتىن اۋماقتار شەگىندە ورنالاستىرىلۋعا جاتادى», دەلىنگەن حابارلامادا.