21 قىركۇيەكتە اقش پرەزيدەنتى دجو بايدەن بۇۇ باس اسسامبلەياسىنىڭ سەسسياسىندا ءسوز سويلەدى, دەپ حابارلايدى Egemen.kz گولوس امەريكي پورتالىنا سىلتەمە جاساپ.
بايدەن ءوز سوزىندە رەسەي ۋكرايناعا باسىپ كىرىپ بۇۇ مۇشەلىگىنىڭ نەگىزگى قاعيدالارىن بۇزدى دەپ ايىپتاپ وتىر.
«بۇۇ قاۋىپسىزدىك كەڭەسىنىڭ تۇراقتى مۇشەسىنىڭ قاتارىنداعى ەل ەگەمەندى مەملەكەتتى كارتادان وشىرمەك بولىپ, باسىپ كىردى. رەسەي بۇۇ جارعىسىنىڭ نەگىزگى ەرەجەلەرىن بۇزدى. سونداي-اق پۋتين ءوز سوزىندە يادرولىق قارۋ قولدانۋ جونىندە اشىق قوقان-لوققى كورسەتتى. ال, يادرولىق سوعىستى جەڭۋ مۇمكىن ەمەس», دەدى اقش پرەزيدەنتى.
بايدەن كرەملدىڭ ۋكراينانىڭ كەيبىر بولىكتەرىن اننەكسيالاۋ ءۇشىن جالعان رەفەرەندۋم ۇيىمداستىرىپ جاتقانىن, بۇل بۇۇ جارعىسىن بۇزۋ بولىپ سانالاتىنىن اتاپ ءوتتى. ال, پۋتين «رەسەيگە قاۋىپ ءتوندى» دەپ اقتالىپ وتىرعانىن ءسوز ەتتى. اقش پرەزيدەنتى مۇنىڭ شىندىققا جاناسپايتىنىنا باسا نازار اۋداردى.
«رەسەيدى ەشكىم قورقىتقان جوق, رەسەيدەن باسقا ەشكىم جانجال ىزدەگەن جوق. شىن مانىندە, ءبىز بۇلاي بولاتىنىن ەسكەرتكەن ەدىك», دەدى بايدەن.
بايدەن بۇل سوعىستىڭ اياقتالۋىن قالايتىنىن دا اتاپ ءوتتى. سونداي-اق ەگەمەندى مەملەكەتتەردىڭ اۋماعىن كۇشپەن تارتىپ الۋعا ەشكىمنىڭ قۇقىعى جوق ەكەنىن ەسكە سالدى.
اق ءۇي باسشىسىنىڭ ايتۋىنشا, اقش وداقتاستارمەن جانە سەرىكتەستەرمەن بىرىگىپ رەسەيدى جاۋىزدىق پەن اسكەري قىلمىستارى ءۇشىن جاۋاپقا تارتۋعا بارلىعىن جاساپ جاتىر.
«رەسەي ازىق-ت ۇلىك داعدارىسىن الەمنىڭ كوپتەگەن ەلدەرىنىڭ ۋكرايناعا اگرەسسيا جاساعانى ءۇشىن سالعان سانكتسيالارىمەن بايلانىستىرۋعا تىرىسۋدا. ەندى ءبىر نارسەنى تۇسىندىرەيىن. ءبىزدىڭ سانكتسيالارىمىز رەسەيگە ازىق-ت ۇلىك پەن تىڭايتقىشتاردى شەكتەۋسىز ەكسپورتتاۋعا تىكەلەي مۇمكىندىك بەرەدى. بۇل سوعىس رەسەيدىڭ ازىق-ت ۇلىك قاۋىپسىزدىگىنە قاتەر ءتوندىرىپ تۇر جانە مۇنى تەك رەسەي عانا توقتاتا الادى», دەدى ول.
بايدەن بىرىككەن ۇلتتار ۇيىمىنا مۇشە ءاربىر ەل ۋكراينانىڭ كەز كەلگەن ەگەمەن مەملەكەت سياقتى قۇقىقتارىنا يە بولۋىن قاتاڭ ءارى دايەكتى تۇردە تالاپ ەتۋ كەرەكتىگىن اتاپ ءوتتى.