بيىل 1 قىركۇيەكتەن باستاپ استانادان – شىمكەنت باعىتىندا قاتىنايتىن № 86/85 «تالگو» پويىزى ىسكە قوسىلعان بولاتىن.
ەندى استانا – جەزقازعان باعىتىنداعى №65/66 جاڭا پويىزى ەل استاناسىنان ۇلىتاۋ باعىتىنا كۇن سايىن قاتىنايتىن بولادى, دەپ حابارلايدى «جولاۋشىلار تاسىمالى» اق. جاڭا پويىز جۇپ كۇندەرى استانادان, تاق كۇندەرى جەزقازعاننان جونەلتىلەدى. قتج حابارلاعانداي, «تالگو» پويىزىندا 344 ورىن بار. ۆاگوندار اۋا باپتاۋ جۇيەسىمەن جانە بيودارەتحانالارمەن جابدىقتالعان. ءار كۋپەدە روزەتكالار بار جانە جول بويىندا جولاۋشىلار فيلم كورىپ, مۋلتيمەديالىق Vputi.kz. پورتالىنان اۋەندەر تىڭداي الادى.
سونىمەن قاتار جولاۋشىلاردىڭ ۆاگون-مەيرامحانا قىزمەتتەرىن پايدالانۋعا مۇمكىندىگى بار. «گراند» جانە «گراند PMR» كلاستى ۆاگونداردا (مۇمكىندىگى شەكتەۋلى ادامدار ءۇشىن) دۋش كابينالارى دا قاراستىرىلعان.