تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين پرەزيدەنتتىڭ اقش-تاعى كەزدەسۋلەرى جايلى جازبا جاريالادى, دەپ حابارلايدى Egemen.kz.
«مۇحيت اسىپ, اقش-قا ءىس ساپارمەن كەلدىك. بۇگىن مەملەكەت باسشىسى قاسىم-جومارت كەمەل ۇلى قازاق جاستارىنىڭ باسىن قوسقان Digital Nomads قاۋىمداستىعىنىڭ مۇشەلەرىمەن كەزدەستى. قاۋىمداستىق - الەمنىڭ تۇكپىر-تۇكپىرىندە الپاۋىت تەحنولوگيالىق كومپانيالاردا جۇمىس ىستەپ جۇرگەن قازاقستاندىق IT-مامانداردىڭ باسىن بىرىكتىرىپ وتىر. اتاپ وتەرلىگى, Digital Nomads ءبىزدىڭ مينيسترلىكتىڭ باستاماسى بويىنشا قۇرىلعان بولاتىن. بۇگىندە ونىڭ قۇرامىندا 400-دەن استام IT-مامان بار», دەپ جازدى باعدات مۋسين فەيسبۋكتەگى پاراقشاسىندا.
كەزدەسۋگە جەر جاھاننان 30-دان استام IT-مامان كەلگەن. ولار سالاداعى وزەكتى ماسەلەلەردى تالقىلاعان.
«اتاپ ايتقاندا, ولاردىڭ قازاقستاندىق مامانداردىڭ جاڭا بۋىنىن دايىنداۋعا كومەكتەسۋى, سپورتتىق باعدارلامالاۋ جانە ۆەنچۋرلىق ينۆەستيتسيالار بويىنشا جوبالاردى ىسكە اسىرىپ جاتقانى تۋرالى ايتىلدى. بۇدان بولەك, Digital Nomads وكىلدەرى شەتەلدىك IT-ماتەريالداردى قازاق تىلىنە اۋدارۋعا باعىتتالعان جوبالاردى جۇزەگە اسىرۋدا. وسىلايشا ولار ەلىمىزدەن جىراقتا بولسا دا, مىڭداعان شاقىرىم جەردە تۇرىپ, قازاقستاننىڭ تۇراقتى دامۋىنا ۇلەستەرىن قوسۋدا. «ۇيىمداسقان ۇتادى» دەگەن قاناتتى ءسوز بار! ءبىر تابىستى مىسالعا توقتالا كەتەيىن. ءبىر كەزدەرى اقش پەن ەۋروپانىڭ جوعارعى وقۋ ورىندارىندا ءبىلىم العان ءۇندى ەلىنىڭ ازاماتتارى, قازاق جاستارى سياقتى وزدەرىنىڭ IT-ماماندارىنىڭ قاۋىمداستىعىن قۇرعان بولاتىن. ۋاقىت وتە كەلە وسى توپتان شىققان ءۇندى جاستارى الەمدەگى تانىمال IT-كومپانيالاردا باسشىلىق لاۋازىمداردى يەلەندى. قازىرگى ۋاقىتتا ولار ءوز وتانداستارىنىڭ ستارتاپتارىن قولداي وتىرىپ, وزدەرىنىڭ ەلىنە قوماقتى ينۆەستيتسيا تارتۋدا. مەن قازاق جاستارى دا وتاندىق IT-سالانى قولداي وتىرىپ, تۋعان ەلىمىزدىڭ دامۋىنا قول ۇشىن سوزعانىن قالايمىن», دەدى مينيستر.