تاريفتىك ساياسات جاريالىلىعى

كەڭەس بارىسىندا فيسكالدى رەتتەۋ ءىسىن جاڭعىرتۋ ءۇشىن ارنايى سالىق رەجىمدەرىن جەڭىلدەتۋگە جانە سالىقتىق اكىمشىلەندىرۋدى تسيفرلاندىرۋعا ەرەكشە نازار اۋدارىلاتىن جاڭا سالىق كودەكسى ازىرلەنىپ جاتقانى اتاپ ءوتىلدى. سونداي-اق بيۋدجەت پروتسەسىن بيۋروكراتيادان ارىلتۋعا باسىمدىق بەرىلەتىن جاڭا بيۋدجەت كودەكسى بويىنشا جۇمىس جۇرگىزىلۋدە. ەكى جاڭا كودەكستىڭ جوبالارى 2023 جىلدىڭ كوكتەمىنە دەيىن دايىن بولۋى ءتيىس.

سونىمەن قاتار تاريفتىك ساياساتتى رەفورمالاۋ ءۇشىن تابيعي مونوپوليالار سالاسىن رەتتەۋدىڭ جاڭا تۇجىرىمداماسى – «ينۆەستيتسياعا ايىرباستالعان  تاريف» ۇسىنىلدى. ول بويىنشا تۇتىنۋشىلار قارا­جاتىن ماقساتتى پايدالانۋدى قاتاڭ باقىلاۋ, مونوپوليستەردىڭ الەۋ­مەتتىك جاۋاپكەرشىلىگىن ارتتىرۋ, تابيعي مونوپوليالاردى مەملە­كەت­تىك رەتتەۋ راسىمدەرىنىڭ جاريالى­لىعىن قامتاماسىز ەتۋ جانە ت.ب. قاراس­تى­رىلعان.

2024 جىلعى 1 قاڭتاردان باستاپ كاسىپكەرلىك قىزمەتتى «تازا پاراقتان» رەتتەۋدى ەنگىزۋ بويىنشا جۇمىس جالعاسادى. تالداۋ قورىتىندىسى بويىنشا كاسىپكەرلىك سۋبەكتىلەرى قىزمەتىنىڭ 9 سالاسىندا 22 مىڭنان اسا تالاپ انىقتالدى. ولاردىڭ شامامەن 17%-ى جاڭا رەتتەۋشىلىك ساياساتقا سايكەس كەلمەيدى. سوندىقتان ولاردىڭ كۇشى جو­يىلادى نەمەسە قايتا قارالادى. قالعان سالالار بويىنشا جۇمىس 2023 جىلدىڭ ءى توقسانىنىڭ سوڭىنا دەيىن اياقتالادى.

مەملەكەت-جەكەشەلىك ارىپتەستىك تەتىگىنىڭ تيىمدىلىگىن ارتتىرۋ جانە شارتتار جاساۋدىڭ اشىقتىعىن قامتاماسىز ەتۋ شەڭبەرىندە ءمجا تۋرالى زاڭعا ەنگىزىلەتىن ءتيىستى تۇزەتۋلەر ازىرلەندى. ولاردى جىل سوڭىنا دەيىن قابىلداۋ جوسپارلانىپ وتىر.

«سامۇرىق-قازىنا» ۇاق» اق قىزمەتىن قايتا فورماتتاۋ بولىگىندە سىني باعالاۋ جۇرگىزە وتىرىپ, قوردىڭ ينۆەستيتسيالىق جوبالارى مەن اكتيۆتەرىنىڭ پورتفەلى قايتا قارالادى. ناتيجەسىندە جەكەشەلەندىرۋ جانە باسقا دا تەتىكتەر ارقىلى وڭتايلى پورتفەل قالىپتاستىرىلۋى ءتيىس, بۇل مەملەكەتتىك رەسۋرستاردى بوساتۋعا جانە قايتا بولۋگە مۇمكىندىك بەرەدى.

مەملەكەتتىك باسقارۋ جۇيەسىن قايتا جاڭعىرتۋ باعىتى بويىنشا ورتالىقتان وڭىرلەرگە وكىلەتتىكتەردى قايتا ءبولۋ ءۇشىن فۋنكتسيونالدىق تالداۋ جۇرگىزىلەدى. سونىڭ ارقاسىندا جەرگىلىكتى ماڭىزى بار ماسەلەلەردى جەدەل شەشۋ ءۇشىن وڭىرلىك باسقارۋشىلاردىڭ وكىلەتتىكتەرى كەڭەيتىلەدى.

قارجى مينيسترلىگىنىڭ جەلىسى بويىنشا سالىقتىق جانە كەدەندىك اقپاراتتىق جۇيەلەردى ينتەگراتسيالاۋ, سونداي-اق ء«بىر تەرەزە» قاعيداتى بويىنشا كەشەندى كەدەندىك باقىلاۋدى ەنگىزۋ جۇمىستارى جۇرگىزىلىپ جاتىر.

بۇعان قوسا «مەملەكەتتىك ساتىپ الۋ تۋرالى» جاڭا زاڭ ازىرلەنۋدە. وندا ساتىپ الىناتىن تاۋارلاردىڭ, جۇمىستار مەن قىزمەتتەردىڭ ەڭ تومەنگى باعاسىنان ساپانىڭ باسىمدىعى قاعيداتىن ەنگىزۋ كوزدەلگەن. بۇل رەتتە بارلىق مەملەكەتتىك جانە كۆازيمەملەكەتتىك ۇيىمداردىڭ ساتىپ الۋلارىن بىرىڭعاي پلاتفورماعا كوشىرۋ جوسپارلانۋدا.

كەڭەس قورىتىندىسى بويىنشا ە.جاماۋباەۆ ءتيىستى زاڭنامالىق تۇزەتۋلەردى جەدەل ازىرلەۋ, ولاردى جىل سوڭىنا دەيىن قابىلداۋ, سونداي-اق مەملەكەت باسشىسىنىڭ جولداۋىن ىسكە اسىرۋ جونىندەگى جالپىۇلتتىق جوسپاردى ساپالى جانە ۋاقىتىلى ورىنداۋ قاجەتتىگىن اتاپ ءوتتى.