بۇگىن ۇكىمەت وتىرىسىندا پرەمەر-مينيستر ءاليحان سمايىلوۆ الىستاعى ەلدى مەكەن تۇگىلى قالاداعى ينتەرنەت ساپاسىنىڭ ءوزى سىن كوتەرمەيتىنىن ايتتى, دەپ جازادى Egemen.kz.
«جالپى ينتەرنەت-قىزمەتتەردىڭ ساپاسىنا قاتىستى سۇراقتار بار. الىستاعى ەلدى مەكەندەردى ايتپاعاندا, ءبىزدىڭ ءىرى قالالارىمىزدا ينتەرنەت بايلانىستىڭ ساپاسى بارلىق جەردە بىردەي جاقسى ەمەس. حالىقتان ءتۇسىپ جاتقان شاعىم كوپ. ەگەر ينتەرنەت بايلانىس جاقسى بولماسا, تسيفرلىق پلاتفورمالاردىڭ جانە اقپاراتتىق جۇيەلەردىڭ پايداسى جوق. تسيفرلىق دامۋ مينيسترلىگى بۇل ماسەلەنى ەرەكشە باقىلاۋدا ۇستاۋ كەرەك», دەدى ۇكىمەت باسشىسى.