قازاقستاندىق ارالاس جەكپە-جەك شەبەرى قۋات حاميتوۆ (23-7-2) اتىراۋدا ءوتىپ جاتقان Mergen Fighting Championship 3 تۋرنيرىنە قاتىستى, دەپ حابارلايدى Egemen.kz Sports.kz-كە سىلتەمە جاساپ.
قۋات حاميتوۆ رەسەيلىك ۆاسيلي بابينتسەۆپەن (6-6) ارالاس جەكپە-جەككە شىقتى.
رەسەي سپورتشىسى وسى ۋاقىتقا دەيىنگى بۇكىل جەكپە-جەگىن نوكاۋتپەن اياقتاعان بولاتىن.
ارالىق سالماقتاعى كەزدەسۋ ءۇش راۋندقا شاقتالعانىمەن ءبىرىنشى راۋندتا-اق قۋات حاميتوۆتىڭ تۇنشىقتىرۋ ءتاسىلىنىڭ ارقاسىندا ونىڭ جەڭىسىمەن اياقتالدى.
وسىلايشا قۋات حاميتوۆ كاسىبي سپورت جولىنداعى جيىرما ءتورتىنشى جەڭىسىنە قول جەتكىزدى, ال ۆاسيلي بابينتسەۆ جەتىنشى مارتە ۇتىلدى.
ەسكە سالا كەتەيىك, مۇنىڭ الدىندا قازاقستاندىق سپورتشى Mergen Fighting Championship 3 تۋرنيرىندە ۋكراينالىق زاكا فاتۋللازادەمەن (19-12) جۇدىرىقتاسادى دەلىنگەن ەدى. بىراق ول قازاقستانعا جولعا شىعار الدىندا ۆيزادان پروبلەما تۋىنداپ, جارىسقا كەلە المادى.