قاسىم-جومارت توقاەۆ توراعالىق ەتكەن سەنات بيۋروسى پالاتانىڭ 15 مامىرداعى وتىرىسىنىڭ كۇن ءتارتىبىن پىسىقتادى, دەپ حابارلادى سەنات ءباسپاسوز قىزمەتى.
سەنات وتىرىسىندا بەس ماسەلەنى قاراۋ جوسپارلاندى. دەپۋتاتتار اۋە شابۋىلىنا قارسى قورعانىستىڭ بىرىڭعاي وڭىرلىك جۇيەسىن قۇرۋ تۋرالى قازاقستان مەن رەسەيدىڭ كەلىسىمىن راتيفيكاتسيالاۋ تۋرالى زاڭ جوباسىن, «يننوۆاتسيالىق تەحنولوگيالار پاركى» يننوۆاتسيالىق كلاستەرى تۋرالى» زاڭ جوباسىن جانە زاڭناماعا يننوۆاتسيالىق كلاستەر ماسەلەلەرى بويىنشا تيىسىنشە تۇزەتۋلەر ەنگىزۋ تۋرالى زاڭ جوباسىن ءبىرىنشى وقىلىمدا قارايتىن بولدى.
سەناتورلار زاڭناماعا قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن ءبىرىنشى وقىلىمدا قاراۋدى كوزدەپ وتىر.