قازاقستاننىڭ جۇپتىق سىنداعى ءبىرىنشى, الەمنىڭ 19-راكەتكاسى اننا دانيلينا اقش اشىق چەمپيوناتىنىڭ ەكىنشى اينالىمىنا شىقتى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
دانيلينا برازيليالىق حادداد مايامەن بىرگە العاشقى اينالىمدا سەربيالىق الەكساندرا كرۋنيچ پەن پولشا وكىلى ماگدا لينەتكە قارسى وينادى. قازاقستاندىق-برازيليالىق دۋەت 6:2, 7:6 (7:4) ەسەبىمەن باسىم ءتۇستى.
اننا دانيلينا مەن بەاتريس حادداد مايا ەكىنشى اينالىمدا يسپانيالىق الەنا بولشوۆا مەن نورۆەگيالىق ۋلريككە ەيكەريگە قارسى وينايدى.