تاۋار ساپاسىن قاداعالاۋعا جاڭا مۇمكىندىك

ءارتۇرلى باعالاۋلار بويىنشا فارماتسەۆتيكا نارىعىنداعى مەديكامەنتتەردىڭ 2-10 پايىزى – جالعان جانە ساپاسىز ونىمدەر. اقش, قىتاي, برازيليا جانە ەۋرووداق ەلدەرى تاۋارلاردى تاڭبالاۋ جانە باقىلاۋ باستاماسىن بۇرىننان جۇزەگە اسىرىپ كەلە جاتىر. ماسەلەن, شۆەتسيالىق Ferring بيوفارماتسەۆتيكا كومپانياسى 1950 جىلدان بەرى دارىلىك پرەپاراتتاردى ازىرلەۋمەن اينالىسادى. كومپانيا وكىلدىكتەرى الەمنىڭ 60 ەلىندە جۇمىس ىستەسە, كومپانيا ونىم­دەرى 110 مەملەكەتتە قولجەتىمدى. زەرت­تەۋ­شىلىك قىزمەتتىڭ باستى باعىتتارى – رەپرودۋكتيۆتى دەنساۋلىقتى قورعاۋ, ونكولوگيا, ۋرولوگيا, گاستروەنتەرولوگيا, ەن­دوكرينولوگيا جانە ورتوپەديا.

«جالعان ءدارىنى تۇتىنۋدىڭ باستى تاۋەكەلى – باقىلاۋ ساپاسىنىڭ جوق­تى­عىندا. جاساندى دارىلەردىڭ ساپاسىنىڭ تومەن بولۋىنا بايلانىستى قۇرامى تو­مەن نەمەسە بەلسەندى زاتتىڭ شامادان تىس ۇلەسى بار پرەپاراتتى قابىلداۋ قاۋپى بار. تاڭبالاۋ جۇيەسى رەسەيدە ىسكە قوسىلعالى بەرى ءبىزدىڭ كومپانيا جالعان ءدارىنى ۇشىراتقان جوق. الايدا «سۇر» يمپورت جاعدايى كەزدەستى. بۇگىندە ەڭ ءتيىمدى جانە نەگىزگى ءادىس – دارىلىك زاتتاردى مىندەتتى تۇردە تاڭبالاۋدى ەن­­گىزۋ. نارىقتا كومپانيانىڭ تەك تۇپ­­­­­نۇسقا پرەپاراتتارى ۇسىنىلعان. تسيفر­­­­لىق تاڭبالاۋ دەنساۋلىق ساقتاۋ مي­­نيس­ترلىگى رۇقسات ەتپەگەن كونترا­فاك­تىلىك ونىمدەردىڭ تارالۋىن ازايتادى. ەكىنشىدەن, جۇيە ءدارى-دارمەك ءوندى­رۋشى كومپانيالارعا دامۋ ستراتەگيالارىن قۇرۋعا مۇمكىندىك بەرەتىن قۋاتتى انا­ليتيكالىق قۇرال بولىپ سانالادى», دەيدى Ferring كومپانياسىنىڭ مەنەدجەرى ارتەم بەرسەنەۆ.

STADA فارماتسەۆتيكالىق كومپانيا­سى دا 125 جىلدان بەرى نارىقتا جۇمىس ىستەپ كەلە جاتىر جانە 2D-كودتاۋ تەح­نولوگياسىن قولدانۋ ارقىلى كونترا­فاكتىمەن كۇرەسەدى.

«دارىلىك پرەپاراتتاردى تاڭبالاۋ – حالىقتى ساپالى ونىمدەرمەن قامتۋدا جانە جالعان ونىمدەردەن قورعاۋداعى ماڭىزدى اسپەكتى. سەبەبى جالعان ءدا­رىسى بار ءبىر قاپتامانىڭ ءوزى-اق ناۋ­قاس دەن­ساۋ­لىعىنا زالال كەلتىرۋى مۇم­­كىن. جاڭا تالاپتاردى ەنگىزۋگە دايىندىق جاڭا وندىرىستىك جابدىقتى ساتىپ الۋدى, IT جۇيەلەرىن جەتىلدىرۋدى, باقىلاۋ جۇيەسىندە جۇمىس ىستەۋ ءۇشىن ەلەكتروندىق تسيفرلىق قولتاڭبانى الۋدى, وراۋ ماتەريالدارىن بەيىمدەۋدى جانە تاعى باسقالاردى قام­تي­تىنىن ەسكەرە وتىرىپ, ءبىزدىڭ تاجى­ريبەمىز بويىنشا دايىندىق 16 ايدان 28 ايعا دەيىن سوزىلادى. جاڭا ۇلتتىق جۇيەنى ەنگىزۋدەن يندۋسترياعا تيەتىن تاعى ءبىر پايدا – بۇل باقىلاۋ جۇيەسىنەن مەنشىكتى ونىمدەردىڭ قوزعالىسى تۋرالى مالىمەتتەردى الۋ. بۇل وندىرۋشىلەر مەن يمپورتتاۋشىلارعا تاۋارلىق-ماتەريالدىق قورلاردى ازاي­تا وتىرىپ, ءونىمدى ءوندىرۋدى جانە نا­رىق­قا جەتكىزۋدى دالىرەك جوسپارلاۋدى قام­­تاماسىز ەتۋگە مۇمكىندىك بەرەدى دەپ كۇتىلۋدە», دەيدى دارىلىك پرەپاراتتاردى تاڭبالاۋ مەنەدجەرى ارتەم سيليانسكي.

قازىر دە وسى STADA قازاقستان اۋما­عىندا دارىلەرگە مىندەتتى تاڭبالاۋ ەنگىزۋ بويىنشا جۇمىس جۇرگىزىپ جاتىر. ەسكە سالايىق, ەلىمىزدە دارىلىك پرەپاراتتاردى تسيفرلى تاڭبالاۋدىڭ قاناتقاقتى جوباسى 2019 جىلدىڭ كۇزىندە باستالىپ, 2021 جىلدىڭ 31 شىلدەسىندە اياقتالدى. وعان وندىرۋشىلەر, ديستريبيۋتورلار, يمپورتتاۋشىلار, ءدارىحانالار جانە مەديتسينالىق ۇيىمدار قاتىستى. قازىر ەل ۇكىمەتى بەكىتكەن تىزىمدەگى 90 دارى­لىك زاتتى تاڭبالاۋدىڭ ءبىرىنشى كەزەڭى ەنگى­زىلۋدە. 2023 جىلدىڭ سوڭىنا دەيىن ەلدەگى دارىلىك پرەپاراتتاردى تسيفرلى تاڭبالاۋ تولىعىمەن اياقتالماق.

تسيفرلاندىرۋ جۇمىستارى جەر قوي­ناۋىن پايدالانۋ سەكتورىندا دا بەل­سەندى ەنگىزىلىپ جاتىر. سوزىمىزگە بي­ىل قىر­كۇيەكتە ىسكە قوسىلعالى وتىر­عان KazNedra تسيفرلى سەرۆيسى دالەل. تسيفر­لىق دامۋ ءمينيسترى باعدات ءمۋسين­نىڭ ايتۋىنشا, سەرۆيس اشىقتىقتى قام­تاماسىز ەتۋگە جانە باقىلاۋدى كۇشەي­تۋ­گە ارنالعان. بىرىڭعاي KazNedra جۇ­يەسى پيلوتتىق فورماتتا ەرەك­شە قور­عالاتىن تابيعي اۋماقتار, جەراس­تى سۋلارى, گيدروتەحنيكالىق جانە ين­جەنەرلىك قۇرىلىستار تۋرالى مالى­مەت­تەردى بەرەدى. بۇعان دەيىن جەر قوي­ناۋىن پايدالانۋ قۇ­قىعىن الۋ ءۇشىن بىر­نەشە ۇيىمعا بارىپ, سەرتيفيكات جيناۋ قاجەت بولاتىن. قىزمەتتى ىسكە اسىر­عاننان كەيىن بۇكىل پروتسەسس اۆتوماتتان­دىرىلادى. جەر ۋچاس­كەلەرىن ىزدەۋ, گەولو­گيالىق اقپارات الۋ جانە ليتسەنزيا الۋ راسىمدەرىنە ونلاين-قولجەتىمدىلىك بەرىلەدى.

سونىمەن قاتار الداعى ۋاقىتتا بۇل پلاتفورمادا تىركەلۋ QR-كود ارقىلى جۇزەگە اسىرىلماق. ءمينيستردىڭ سوزىنە قارا­عاندا, پلاتفورماداعى ازداعان كەم­شىلىكتەر تۇزەتىلەدى.