«AMANAT» پارتياسىندا «باقىتتى وتباسى» پارتيالىق جوباسى اياسىنداعى «بالانى مەكتەپكە دايارلايىق!» جالپىرەسپۋبليكالىق قايىرىمدىلىق اكتسياسى قورىتىندىلاندى, دەپ حابارلايدى Egemen.kz.
جىل سايىن وتكىزىلەتىن ءداستۇرلى اكتسيانىڭ باستى ماقساتى – كوپبالالى جانە از قامتىلعان وتباسىلارعا بالالارىن 1 قىركۇيەككە دايىنداۋعا كومەكتەسۋ.
اتالعان اكتسياعا پارتيانىڭ ورتالىق اپپاراتى مەن ايماقتىق فيليالدارىنىڭ قىزمەتكەرلەرى, پارتيا دەپۋتاتتارى مەن باستاۋىش پارتيا ۇيىمدارىنىڭ مۇشەلەرى قاتىستى.
اكتسيا اياسىندا ەل بويىنشا 42 مىڭنان استام بالا مەكتەپ فورماسىمەن, كەڭسە تاۋارلارى سالىنعان ريۋكزاكتارمەن قامتىلدى.
«بالانى مەكتەپكە دايارلايىق!» قايىرىمدىلىق اكتسياسى بۇگىن اياقتالىپ وتىر. سونىڭ اياسىندا بارلىق وڭىردەگى پارتيا مۇشەلەرى بالالاردى جاڭا وقۋ جىلىنا دايىنداۋعا اتسالىستى. اماناتتىقتار 23 مىڭنان استام وتباسىنىڭ 42 مىڭ وقۋشىسىن مەكتەپ فورماسىمەن, وقۋلىقتارمەن, ريۋكزاكتارمەن جانە كەڭسە تاۋارلارىمەن قامتاماسىز ەتتى. بۇل مەملەكەت باسشىسىنىڭ الەۋمەتتىك قيىن جاعدايعا تاپ بولعان بالالار مەن وتباسىلاردى قولداۋ جونىندەگى باعىت-باعدارىن جۇزەگە اسىرۋعا «AMANAT» پارتياسىنىڭ قوسقان ۇلەسى. «بالانى مەكتەپكە دايارلايىق!» اكتسياسى بۇل ءبىر رەت قانا وتكىزىلەتىن ءىس-شارا ەمەس. قازاقستاندىقتاردىڭ ءال-اۋقاتىن ارتتىرۋعا باعىتتالعان پارتيانىڭ اۋقىمدى جۇيەلى جۇمىسىنىڭ ءبىر بولىگى», دەدى ەرلان قوشانوۆ.
ايتا كەتسەك, «باقىتتى وتباسى» پارتيالىق جوباسى اياسىندا 2022 جىلدىڭ ءبىرىنشى جارتىجىلدىعىندا 13 مىڭ ادام جۇمىسقا ورنالاسسا, 37 مىڭ وتباسىنا ااك رەسىمدەۋگە كومەك كورسەتىلىپ, 49 مىڭ وتباسىنا بىرجولعى الەۋمەتتىك كومەك تولەنگەندى. سونداي-اق 146 وتباسى تۇرعىن ۇيمەن قامتاماسىز ەتىلدى.
«AMANAT» پارتياسى ءوزىنىڭ سايلاۋالدى باعدارلاماسىن جۇزەگە اسىرۋ اياسىندا بالالاردىڭ ءبىلىم الۋىنا لايىقتى جاعداي جاساۋ باعىتىندا اۋقىمدى جۇمىس اتقارۋدا. ول ءۇشىن 2022 جىلدىڭ سوڭىنا دەيىن 214,5 مىڭ ورىندىق 225 جاڭا مەكتەپ پايدالانۋعا بەرىلەدى. جاڭا وقۋ جىلىنىڭ باسىندا 37 مىڭ ورىندىق 81 جاڭا مەكتەپ اشىلۋعا دايىن.
«بالانى مەكتەپكە دايارلايىق!» اكتسياسىن ەل اۋماعىنداعى بارلىق پارتيالىقتار قولدادى. ماسەلەن, ماڭعىستاۋ وبلىستىق ماسليحاتىنداعى «AMANAT» پارتياسىنىڭ دەپۋتاتى ناجىمەدەن گۋباشوۆ مۇنايلى اۋدانىنىڭ 1000 وقۋشىسىنا مەكتەپ فورماسى جيىنتىعىن, كەڭسە تاۋارلارى مەن ريۋكزاكتاردى تابىس ەتتى.
«حالىقتىڭ الەۋمەتتىك وسال توبىنان شىققان بالالاردىڭ وقۋعا باستار قادامى قۋانىشقا تولى بولۋى ءۇشىن ولاردى مەكتەپكە دايارلاپ, جان-جاقتى كومەك كورسەتۋ ىسىندە اركىم ازاماتتىق بەلسەندىلىك تانىتاتىنىنا سەنىمىدىمىن. سالاۋاتتى, ءساتتى ءارى باقىتتى ءومىر نەگىزى بالالىق شاقتا قالاندى. بالالاردىڭ دامۋىنا قولداۋ كورسەتۋ – قوعامنىڭ باستى ماقساتى. ولار – گۇلدەنگەن, تاۋەلسىز مەملەكەتتى قۇرۋشىلار», دەدى ول.
قاراعاندى وڭىرىندە بەس بالا تاربيەلەپ وتىرعان وبلىس ورتالىعىنىڭ تۇرعىنى گۇلنار سەيىتومار پارتيالىقتاردىڭ كومەگىن العان.
«اكتسيا باستاۋ العان ساتتە بىردەن «AMANAT» پارتياسىنا كومەك سۇراپ جۇگىندىم. بالالارىمنىڭ بارلىعى مەكتەپ وقۋشىلارى. بۇل قولداۋ مەن ءۇشىن ۇلكەن كومەك بولدى. سەبەبى جاڭا وقۋ جىلى باستالار تۇستا ءبارى قىمباتتاپ كەتتى», دەدى ول.
شىمكەنتتە قالالىق ءماسليحاتتىڭ دەپۋتاتى, «AMANAT» فراكتسياسىنىڭ مۇشەسى جادىرا تاڭاتاروۆا التى بالانى جالعىز تاربيەلەپ وتىرعان كوپبالالى انا, ءىى توپتاعى مۇگەدەك نارگيزا ارتىققوجاەۆاعا باردى.
«پارتيا كوپبالالى وتباسىلارعا كومەك كورسەتىپ, بۇلدىرشىندەردىڭ ءوزىن جايلى سەزىنۋى, ساباقتان قالماۋى ءۇشىن تەڭ جاعداي جاساۋعا تىرىساتىنى قۋانتادى», دەدى نارگيز ارتىققوجاەۆا العىسىن ءبىلدىرىپ.
اباي وبلىسىنداعى جەرگىلىكتى پارتيالىقتار يگى ىستەن شەت قالماي, اكتسياعا بەلسەندى تۇردە قاتىستى. جاقىندا وبلىستىق ماسليحاتتاعى «AMANAT» فراكتسياسىنىڭ مۇشەسى اسەمقان دوسقوجانوۆ ماي ەكستراكتسيالايتىن زاۋىت قىزمەتكەرلەرىنىڭ بالالارىنا مەكتەپ فورماسىن تابىستادى.
«مەنىڭ بەس بالام بار. وتباسىمىزدا تەك كۇيەۋىم عانا جۇمىس ىستەيدى. سوندىقتان پارتيادان كومەك سۇرادىم. ءوتىنىشىم جەردە قالعان جوق. ۇيىمداستىرۋشىلارعا العىسىم شەكسىز. بالالارىمىزعا سپورتتىق كيىمدەر, وقۋ قۇرالدارى بار سومكەلەر سىيعا تارتىلدى. مۇنداي كومەكتى كوپ وتباسى كوردى», دەدى سەمەي قالاسىنىڭ تۇرعىنى قارلىعاش ءتۇسىپوۆا.
ايتا كەتسەك, «بالانى مەكتەپكە دايارلايىق!» قايىرىمدىلىق اكتسياسى وسىمەن 12 جىل قاتارىنان وتكىزىلىپ كەلەدى.