پرەزيدەنتتىڭ تاپسىرماسى بويىنشا قر ۇكىمەتى پاكىستان يسلام رەسپۋبليكاسىنا ادام ولىمىنە اكەپ سوققان نوسەر جاڭبىر مەن سۋ تاسقىنى سالدارىن جويۋ ءۇشىن $400 مىڭ مولشەرىندە گۋمانيتارلىق كومەك كورسەتەدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
بۇل ماسەلە پرەمەر-ءمينيستردىڭ ءبىرىنشى ورىنباسارى رومان سكلياردىڭ توراعالىعىمەن گۋمانيتارلىق كومەك كورسەتۋ جونىندەگى كوميسسيانىڭ وتىرىسىندا قارالدى.
رەسمي مالىمەتتەر بويىنشا, پاكىستاندا تابيعي اپاتتان 1033 ادام قازا بولدى, ونىڭ ىشىندە 343 بالا, سونداي-اق تۇرعىن ۇيلەر مەن ينفراقۇرىلىم قيرادى. شامامەن 35 ملن ادام باسپاناسىز جانە ازىق-ت ۇلىكسىز قالدى.
27 تامىزدا پاكىستان پرەمەر-ءمينيسترى ش. شاريف حالىقارالىق قاۋىمداستىقتان كومەك سۇرادى.
28 تامىزدا قر پرەزيدەنتى قاسىم-جومارت توقاەۆ پاكىستان پرەزيدەنتىنە سۋ تاسقىنى سالدارىنان ادامداردىڭ قازا بولۋىنا بايلانىستى كوڭىل ايتتى.
ەسكە سالا كەتەيىك, بۇعان دەيىن پاكىستاندا سۋ تاسقىنىنان مىڭنان اسا ادام قازا بولعانىن حابارلاعان ەدىك.