باتىس قازاقستان وبلىسىندا «قازپوشتا» اق پوشتا بولىمشەسىنىڭ ەكى قىزمەتكەرى 37 ميلليون تەڭگەدەن اسا قارجى جىمقىرعانى ءۇشىن سوتتالدى, دەپ حابارلايدى Egemen.kz قما ءباسپاسوز قىزمەتىنە سىلتەمە جاساپ.
«قما بقو بويىنشا دەپارتامەنتى «قازپوشتا» اق پوشتا بولىمشەسىنىڭ ەكى قىزمەتكەرىنىڭ جشس ءبىرىنىڭ شوتىنا وتكىزگەن اقشاسىن 4 جىل بويى ۇرلاۋ دەرەگىن انىقتادى. بارلىعى 37 ميلليون تەڭگەدەن اسا اقشا ۇرلانعان. سونىمەن قاتار, ولار 2013-2020 جىلدارى ىشىندە قۇجاتتاردى قولدان جاساۋ ارقىلى زەينەتكەردىڭ 1,2 ميلليون تەڭگەدان اسا قاراجاتىن يەمدەنىپ العان», دەلىنگەن حابارلامادا.
قما مالىمەتىنشە, وپەراتورلار 7 جىلعا باس بوستاندىعىنان ايىرىلعان. ولارعا قارجىلىق جانە مەملەكەتتىك ۇيىمداردا ماتەريالدىق جاۋاپتى قىزمەتتەردى اتقارۋعا ءومىر بويىنا تىيىم سالىنادى.