شۇعىل مەديتسينانى ۇيلەستىرۋدىڭ شەبەرلەرى

اتالعان ورتالىق ەل بويىنشا ناۋقاس­تارعا جەدەل, شۇعىل مەديتسينالىق كومەكتى كورسەتۋ جانە دامىتۋ بويىنشا الدىڭعى قاتاردا تۇر. ورتالىق شالعاي ەلدى مەكەندەردەن پاتسيەنتتەردى تاسىمالداۋمەن اينالىسىپ, حالىققا ساناۆياتسيا تۇرىندە شۇعىل مەديتسينالىق كومەك كورسەتەدى. رەسپۋبليكادا مەديتسينالىق اۆياتسيا جەلىسى بويىنشا مەديتسينالىق كومەك كورسەتۋ ءۇشىن 500-دەن استام مامان, ونىڭ ىشىندە 372 بەيىندى مامان تارتىلعان. ەگەر ناۋقاس تاسىمالدانباسا, اۋىر حالدە بولسا نەمەسە ايماقتىق دارىگەرلەر قاجەتتى ادىستەرگە/بىلىكتىلىككە يە بولماسا, ولار سول جەردە كونسۋلتاتسيا بەرەدى نەمەسە وپەراتسيا جاسايدى.

2022 جىلدىڭ 7 ايىندا ءۇشمۇو كومانداسىمەن 1 369 ۇشۋ (ونىڭ ىشىندە تىكۇشاقپەن – 303, ۇشاقپەن – 1 066) جاسالدى, 2 431 پاتسيەنتكە مەديتسينالىق كومەك كورسەتىلدى, 2 831 مەديتسينالىق قىزمەت ورىندالدى, 1 375 ناۋقاس (48,6%) مەديتسينالىق ۇيىم­دارعا جەتكىزىلدى, 69 كونسۋلتاتسيا جۇرگى­زىل­دى (2,4%), 128 وپەراتسيا (4,5%), 1 259 (44,5%) قاشىقتىقتان مەديتسينالىق قىزمەت (قمق) ۇيىمداستىرىلدى. دونورلىق ورگانداردى تاسىمالداۋ ءۇشىن 2 مامان جونەلتىلدى.

رەسپۋبليكا ىشىندەگى مەديتسينالىق اۆياتسيالىق ۇشۋلاردان باسقا, قازاقستان رەسپۋبليكاسىنىڭ ازاماتتارىنا جانە شەتەلدىك مەديتسينالىق ۇيىمداردا ورنا­لاس­قان قانداستارعا, ەگەر ولاردىڭ جاع­دايى جەرۇستى كولىگىمەن جانە ازاماتتىق اۆيا­تسيانىڭ تۇراقتى رەيستەرىنىڭ اۋە كەمە­سىندە تاسىمالداۋعا مۇمكىندىك بەرمەسە, مەدي­تسينالىق اۆياتسيا تۇرىندەگى قىزمەتتەر كورسەتىلەدى.

2022 جىلدىڭ 7 ايىندا مەديتسينالىق اۆياتسيا وتاندىق مەديتسينالىق ۇيىمداردا ەمدەلۋدى جالعاستىرۋ ءۇشىن شەتەلدىك كلينيكالاردان قازاقستان رەسپۋبليكاسىنىڭ 9 ازاماتىن تاسىمالدادى. مىسالى, اعىمداعى جىلدىڭ شىلدە ايىنىڭ باسىندا التى جاسار بالا سانكت-پەتەربۋرگ قالاسىنداعى كلينيكاعا ەس-ءتۇسسىز جەتكىزىلدى. 3-قاباتتان قۇلاعاننان كەيىن اۋىر جاراقات العان بالا جانساقتاۋ بولىمىنە جاتقىزىلدى. وپەراتسيا جاسالىپ, جاعدايى تۇراقتالعاننان كەيىن تراۆماتولوگيالىق بولىمگە اۋىستىرىلدى. ودان ءارى مەديتسينالىق كومەك الۋ­دىڭ شۇعىل قاجەتتىلىگىنە بايلانىستى با­لانى ۇشاقپەن نۇر-سۇلتان قالاسىنىڭ كوپ­بەيىندى قالالىق بالالار اۋرۋحاناسىنا جەتكىزۋ تۋرالى شەشىم قابىلداندى. 16 شىلدەدە ۇلتتىق شۇعىل مەديتسينانى ۇيلەس­تىرۋ ورتالىعى كىشكەنتاي پاتسيەنت­تى تاسىمالداۋ ماقساتىندا نۇر-سۇلتان – سانكت-پەتەربۋرگ – نۇر-سۇلتان باعىتى بويىنشا اۋە كەمەسىنىڭ ۇشۋىن ۇيىمداستىردى. بۇگىنگى تاڭدا بالا ەم الىپ, وڭالتۋدان وتۋدە.

2022 جىلعى 17 شىلدەدە وسىنداي ۇشۋ سەۋلدەن وسكەمەنگە دەيىن جۇزەگە اسىرىلدى. 16 ماۋسىمدا ەر ادام سەۋل قالاسىنداعى كلينيكاعا اۋىر حالدە ءتۇستى. ول ەستىنەن تانىپ, وكپەنى جاساندى جەلدەتۋ اپپاراتىنا قوسىلدى. ەرلى-زايىپتىلاردىڭ وتىنىشتەرى نەگىزىندە ناۋقاس مەديتسينالىق اۆياتسيا كۇشىمەن وسكەمەن قالاسىنىڭ وبلىستىق اۋرۋحاناسىنا جەتكىزىلدى. ءۇشمۇو-نىڭ جو­عارى بىلىكتى ماماندارىنىڭ وسىنداي ومى­­رىنە قاۋىپ تونگەن پاتسيەنتكە جەدەل جانە ۇيلە­سىمدى كومەك كورسەتكەن مىسالدارى وتە كوپ.

ايتا كەتەرى, شۇعىل مەديتسينا ماماندارىنا قويىلاتىن تالاپتار ەڭ جوعارى بولىپ كەلەدى. ويتكەنى ولار ۇشۋدا دا, جەر­دە دە كاسىبي كومەك كورسەتىپ, ناۋقاستىڭ ءومىرىن قامتاماسىز ەتۋ فۋنكتسيالارىن ۇنە­مى قاداعالاپ وتىرۋى قاجەت. سوندىقتان دارىگەر­لەردىڭ 5 جىلدان كەم ەمەس جۇمىس ءوتىلى, سونداي-اق «جەدەل جاردەم جانە شۇ­عىل مەديتسينالىق كومەك» نەمەسە «انەس­تەزيو­لوگيا جانە رەانيماتسيا» ماماندىعى بويىنشا سەرتيفيكاتى بولۋعا ءتيىس.

فەلدشەرلەردىڭ «ەمدەۋ ءىسى», «فەلد­شەر», «جالپى پراكتيكاداعى فەلدشەر» ماماندىقتارى بويىنشا كەمىندە 3 جىل جۇمىس تاجىريبەسى بولۋى مىندەتتى. ورتالىق جانىندا وقۋ-جاتتىعۋ بازاسى جۇمىس ىستەيدى, وندا تۇراقتى نەگىزدە مەديتسينالىق پەرسونال شۇعىل كومەك كورسەتۋ تسيكلدەرىنەن وتەدى, مەديتسينالىق مانيپۋلياتسيالار تەحنيكاسىن پىسىقتايدى, شۇعىل كومەك كورسەتۋدىڭ وزىق ادىستەرىمەن جانە حالىقارالىق ستان­دارتتارىمەن تانىسادى. مەديتسينا قىزمەت­كەرلەرىنىڭ بىلىكتىلىك دەڭگەيىن ارتتىرۋ – حالىققا ساپالى مەديتسينالىق قىزمەت كورسەتۋدى قامتاماسىز ەتۋدىڭ كەپىلى.