ەلىمىزدە كوروناۆيرۋس ينفەكتسياسىن جۇقتىرۋ كورسەتكىشى ايتارلىقتاي تومەندەپ, كەيىنگى تاۋلىكتە 740 ادامنان ىندەت انىقتالدى. قازىر بارلىق ءوڭىرىمىز «جاسىل ايماقتا» تۇر. دەگەنمەن جاعداي وڭالدى ەكەن دەپ ارقانى كەڭگە سالماي, ساقتىق شارالارىن ۇستانۋدى ۇمىتپاعان ءجون. ويتكەنى ارامىزدان ءالى ىرگەسىن اجىراتپاعان ىندەتتىڭ قايتا كۇشەيىپ كەتۋى قاۋپى بار ەكەنىنە ابدەن كوز جەتتى.
20 تامىزداعى دەرەك بويىنشا پتر سىنامالارىنىڭ ناتيجەسىندە كۆي اۋرۋىنا ۇشىراعان 740 ادام تىركەلدى. بۇلاردىڭ ىشىندە ەڭ كوپ ناۋقاس نۇر-سۇلتان قالاسىندا (126) جانە قاراعاندى وبلىسىندا (109) انىقتالدى. بۇل وڭىرلەردە جاعدايدىڭ ودان سايىن ۋشىعىپ كەتپەۋى قاتاڭ باقىلاۋعا الىنىپ وتىر. ونىڭ ۇستىنە جاقىندا عانا «سارى ايماقتان» ارىلعان استاناداعى احۋالدى قايتادان ناشارلاتىپ الماۋ ماڭىزدى.
كوروناۆيرۋس ينفەكتسياسىنان ايىعىپ, بەتى بەرى قاراعان ادامداردىڭ قاتارى كوبەيىپ كەلەدى. كەشە عانا 572 ادام جازىلىپ شىقتى. ولاردىڭ 191-ءى قاراعاندى وبلىسىنان بولسا, 97-ءسى – الماتى قالاسىنان. جالپى, ىندەت باستالعالى ەلىمىزدە وسى دەرتكە شالدىققان 1 348 271 ادام ەمدەلىپ, ساۋىعىپ شىقتى.
قازىر 21 925 ادام كۆي اۋرۋىنان ەمدەلىپ جاتىر. ولاردىڭ ىشىندە 917 ناۋقاس ستاتسيوناردا, 21 008 ناۋقاس امبۋلاتوريالىق دەڭگەيدە ەم قابىلداۋدا. ىندەتكە شالدىققانداردىڭ اراسىندا 38 ادامنىڭ جاعدايى اۋىر, 4 ادامنىڭ جاعدايى وتە اۋىر, 5 ناۋقاس ءوجج اپپاراتىندا جاتىر.
كوروناۆيرۋستان ساقتانۋدىڭ ەڭ نەگىزگى جولى ۆاكتسينا سالدىرۋ ەكەنى تۇسىنىكتى. بۇل رەتتە قازاقستاندا ۆاكتسينانىڭ ءبىرىنشى كومپونەنتىن 9 578 192 ادام, ەكىنشى كومپونەنتىن 9 358 785 ادام سالدىردى. ال Pfizer ۆاكتسيناسىنىڭ ءبىرىنشى دوزاسىن 1 238 084 ادام, ەكىنشى دوزاسىن 1 195 162 ادام قابىلدادى. ونىڭ ىشىندە جاسوسپىرىمدەر – 874 105, جۇكتى ايەلدەر – 41 603, بەسىكتەگى بالاسى بار ايەلدەر – 145 377.