الداعى كۇندەرى ەلدىڭ سولتۇستىگى مەن شىعىسىندا 2 گرادۋس ۇسىك جۇرەدى, دەپ حابارلايدى Egemen.kz «قازگيدرومەت» رمك-عا سىلتەمە جاساپ.
«قازاقستان اۋماعىنىڭ باسىم بولىگى سولتۇستىك-باتىس انتيتسيكلوننىڭ ىقپالىندا بولادى. الداعى تاۋلىكتەردە جاۋىن-شاشىنسىز اۋا رايى كۇتىلەدى. اپتانىڭ ورتاسىنا قاراي تەمپەراتۋرالىق فون بىرتىندەپ تومەندەيدى. رەسپۋبليكانىڭ سولتۇستىك-باتىسىندا, سولتۇستىگىندە, شىعىسىندا جانە ورتالىعىندا تۇنگى جانە تاڭەرتەڭگى ساعاتتاردا توپىراق بەتىندە 2°س-قا دەيىن ۇسىك كۇتىلەدى», دەيدى سينوپتيكتەر.