مەملەكەت باسشىسى نۇرسۇلتان نازارباەۆ اسكەري جانە ارناۋلى اتاقتار تاپسىرۋ سالتاناتتى راسىمىنە قاتىستى, دەپ حابارلادى پرەزيدەنتتىڭ ءباسپاسوز قىزمەتى.
وتان قورعاۋشى كۇنى قارساڭىندا مەملەكەت باسشىسى, قارۋلى كۇشتەردىڭ جوعارعى باس قولباسشىسى كەزەكتى جوعارى اسكەري جانە ارناۋلى اتاقتار, سونداي-اق, سىنىپتىق شەندەر تاپسىردى.
قاتىسۋشىلارعا ارناعان ءسوزىندە نۇرسۇلتان نازارباەۆ ولاردىڭ ەلىمىزدىڭ قاۋىپسىزدىگىن, ونىڭ شەكاراسىنىڭ قورعالۋىن, تاۋەلسىز مەملەكەت قۇرىپ جاتقان قازاقستاندىقتاردىڭ بەيبىت ەڭبەگىنىڭ الاڭسىزدىعىن قامتاماسىز ەتىپ وتىرعانىن ايتتى. بۇعان قوسا, ول تاريحي تۇرعىدان قارۋلى كۇشتەر جاستاردىڭ تاربيەسىندە ءاردايىم ماڭىزدى ءرول اتقارعانىن اتاپ ءوتتى.
– «وفيتسەردىڭ ار-نامىسى» دەگەن ۇعىم ەشقاشان ۇمىتىلعان ەمەس جانە ونىڭ ءمانى ەشقاشان دا تومەندەگەن جوق. جاۋىنگەردىڭ ناعىز ەرلىگى وتانى مەن حالقى ءۇشىن ءوز ءومىرىن قيا بىلۋىندە. وتانعا قىزمەت ەتۋدىڭ ۇلگىسىن كورسەتە وتىرىپ, سىزدەر وسكەلەڭ بۋىندى ءتاربيەلەپ, قوعامىمىزدىڭ رۋحاني نەگىزدەرىن نىعايتا تۇسەسىزدەر. مەملەكەت سىزدەردىڭ قازاقستاندىق ءپاتريوتيزمدى قالىپتاستىرۋعا بەلسەنە اتسالىساتىندارىڭىزعا سەنىم ارتادى. سىزدەر بۇل مىندەتتى ورىنداپ, العان اتاقتارىڭىزدى اقتايدى دەپ سەنەمىن, – دەدى قازاقستان پرەزيدەنتى.
مەملەكەت باسشىسى بەرىلگەن اتاقتار بۇكىل اسكەري قىزمەت بارىسىنداعى ەرەن ەڭبەكتىڭ ناتيجەسى ەكەنىنە توقتالىپ ءوتتى.
– بۇل – مەملەكەت تاراپىنان بەرىلگەن جوعارى باعا. گەنەرال بولۋ – زور مارتەبە, سىزدەر وعان لايىقتى بولۋعا تيىستىسىزدەر. مىقتى دەنساۋلىق جانە قىزمەتتەرىڭىزگە تابىس تىلەيمىن, – دەدى نۇرسۇلتان نازارباەۆ.
سالتاناتتى ءراسىم كەزىندە ءسوز سويلەگەن وفيتسەرلەر وزدەرىنە بەرىلگەن اتاقتار وتانداستاردىڭ قاۋىپسىزدىگىن قامتاماسىز ەتىپ وتىرعان بارلىق قۇرىلىمدارعا بەرىلگەن جوعارى باعا ەكەنىن ايتتى. ولار قازاقستان ارمياسىنىڭ, قۇقىق قورعاۋ جانە ارناۋلى ورگانداردىڭ جاقسى جاراقتاندىرىلعانىن ايتىپ, بارلىق كۇش-جىگەرلەرىن, ءتاجىريبەلەرى مەن بىلىمدەرىن ەل حالقىنا قىزمەت ەتۋگە جۇمسايتىندارىنا سەندىردى.
جوعارى اسكەري جانە ارناۋلى اتاقتار, سىنىپتىق شەندەر العان ادامدار ءتىزىمى پرەزيدەنتتىڭ جارلىعىندا جاريالانىپ وتىر.