جاستار اراسىندا پاتريوتتىق جانە رۋحاني قۇندىلىقتاردى ناسيحاتتاۋ, ولاردىڭ شىعارماشىلىق مۇمكىندىگىن اشۋ جانە ازاماتتىق قوعامنىڭ دامۋىنا قولداۋ كورسەتۋ ماقساتىندا قۇرىلعان «جاس قۋات» جاستار قوعامدىق بىرلەستىگىنە ءبىر جىل جارىمعا جۋىق ۋاقىت قانا بولدى. وسى ازعانتاي ۋاقىتتا جاستاردىڭ جاڭا قوعامدىق ۇيىمى كوپتەگەن تاعىلىمدى دا قايىرىمدى جۇمىستارعا ۇيىتقى بولىپ كەلەدى.
جاقىندا «اقتوبە وبلىسىنىڭ جاستار ساياساتى ماسەلەلەرى باسقارماسى» مم-ءنىڭ جانىنان قۇرىلعان «جاستارمەن جۇمىس جونىندەگى رەسۋرستىق ورتالىعىنىڭ» قولداۋىمەن «جاس قۋات» جقب ۇلى جەڭىستىڭ 69 جىلدىعىنا وراي سوعىس ارداگەرلەرى ماريا زينچەنكو مەن ەكاتەرينا ءپوپوۆيچتىڭ ۇيلەرىنە ارنايى بارىپ اۋلاسىن تازارتىپ, باۋ-باقشالىق جەر تەلىمدەرىن اۋدارىپ بەردى, ءۇي شارۋاسىنا كومەكتەستى. سەنبىلىككە قاتىسقان جاستار وسىنداي 20 ۇلى وتان سوعىسىنا قاتىسۋشى مەن تىل ارداگەرلەرىنە قولعابىس جاسايتىن بولادى. سەنبىلىكتىڭ ماقساتى – ارداگەرلەردى ۇلى جەڭىس كۇنىمەن قۇتتىقتاۋ, وسكەلەڭ ۇرپاقتى ارداگەرلەردى قۇرمەتتەپ, سىيلاۋعا باۋلۋ, جاستاردىڭ بويىندا پاتريوتتىق سەزىمدى قالىپتاستىرۋ, ارداگەرلەردىڭ اۋلالارىن تازارتىپ, ءۇي شارۋاسىنا كومەكتەسۋ, جاستار مەن ارداگەرلەردىڭ اراسىنداعى ۇرپاقتار ساباقتاستىعىن قالىپتاستىرۋ, سونداي-اق, ەلىمىزدىڭ جاستارىن بىرلىككە, تاتۋلىققا شاقىرۋ بولىپ تابىلادى.
سەنبىلىككە «اقتوبە وبلىسىنىڭ جاستار ساياساتى ماسەلەلەرى باسقارماسى» مم-ءنىڭ جانىنان قۇرىلعان «جاستارمەن جۇمىس جونىندەگى رەسۋرستىق ورتالىعىنىڭ» وكىلدەرى, بەلسەندى جاستار, جوعارى جانە ارناۋلى وقۋ ورىندارىنىڭ ستۋدەنتتەرى قاتىستى. «جاس قۋات» جاستار قوعامدىق بىرلەستىگىنىڭ توراعاسى ارتۋر وسپانوۆتىڭ مالىمدەۋىنشە, مۇنداي قايىرىمدىلىق شارالارى الدا دا جالعاسىن تاباتىن بولادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.