بىرىككەن ۇلتتار ۇيىمى باس اسسامبلەياسى 76-سەسسياسىنىڭ توراعاسى ابدۋللا شاحيد 11-12 تامىز ارالىعىندا قازاقستانعا رەسمي ساپارمەن كەلەدى, دەپ حابارلايدى Egemen.kz قازاقستانداعى بۇۇ كەڭسەسى ءباسپاسوز قىزمەتىنە سىلتەمە جاساپ.
ساپار بارىسىندا قر پرەزيدەنتى قاسىم-جومارت توقاەۆ, قر سىرتقى ىستەر مينيسترلىگىنىڭ باسشىلىعى, قر پارلامەنتى سەناتىنىڭ باسشىلىعى, ازاماتتىق قوعام ۇيىمدارى, سونداي-اق بۇۇ-نىڭ قازاقستانداعى ەلدىك توبىمەن كەزدەسۋلەر جوسپارلانعان.
ابدۋللا شاحيد مالديۆ رەسپۋبليكاسىنىڭ ۇكىمەتى مەن زاڭ شىعارۋشى ورگاندارىندا ۇزاق جۇمىس ىستەگەن كورنەكتى ساياساتكەر جانە بىلىكتى ديپلومات رەتىندە كەڭىنەن تانىمال.
گەندەرلىك تەڭدىكتىڭ قايراتتى جاقتاۋشىسى ءوز ەلىنىڭ ديپلوماتيالىق ميسسيالارىنىڭ باسشىلارى, سونداي-اق سىرتقى قىزمەت قىزمەتكەرلەرىنىڭ اراسىندا العاش رەت گەندەرلىك تەڭدىككە قول جەتكىزگەن.
جالعاسىپ جاتقان COVID-19 پاندەمياسىنىڭ تۇسىندا ابدۋللا شاحيد حالىقارالىق ارەنادا العاشقىلاردىڭ ءبىرى بولىپ سويلەپ, جاھاندىق دەنساۋلىق داعدارىسىنىڭ شاعىن ارالدىق دامۋشى مەملەكەتتەردىڭ ەكونوميكاسى مەن قوعامدارىنا جويقىن اسەرىن اتاپ ءوتتى.