استانا. 6 مامىر. بەلگىسىز بىرەۋلەر ۆەنەسۋەلا پرەزيدەنتى نيكولاس مادۋرونىڭ جەكە وققاعارىن اتىپ ولتىرگەن. بۇل تۋرالى يتار-تاسس حابارلادى.
ۆەنەسۋەلانىڭ باس پروكۋراتۋراسى اتالمىش وقيعاعا بايلانىستى تەرگەۋ امالدارىنىڭ ءجۇرىپ جاتقانىن مالىمدەدى.
الدىن الا دەرەكتەرگە قاراعاندا, لەيتەنانت ماركو كورتەس ءوز اۆتوكولىگىمەن جول ۇستىندە كەلە جاتقان. سول كەزدە جەڭىل ماشينە مىنگەن بازبىرەۋلەر وعان تاقالىپ كەلىپ, وق جاۋدىرعان كورىنەدى.
«EI Universal» گازەتىنىڭ اقپارى بويىنشا, م.كورتەس سوڭعى التى جىل بويى پرەزيدەنتتىڭ جەكە كۇزەتىندە قىزمەت ەتكەن. دەمەك, ول ن.مادۋرونىڭ الدىندا ۋ.چاۆەستىڭ دە وققاعارى بولعان.
وتكەن اپتادا ۆەنەسۋەلا استاناسىندا ۇلتتىق بارلاۋ قىزمەتنىڭ بۇرىنعى باسشىسى وققا ۇشتى. ونىڭ دەنەسى قالانىڭ تۇبىنەن تابىلعان بولاتىن.
ايدار ورىسباەۆ.
دەرەككوز: Itar-tass.com.
فوتو: EPA.