استانا. 6 مامىر. قازاقستان اۋىل شارۋاشىلىعى ۆيتسە-ءمينيسترى گۇلميرا يساەۆا كەشە «قازاگرويننوۆاتسيا» اق ۇجىمىنا جاڭا باسقارما توراعاسىن - ساتىبالدين ءازىمحان ابىلقايىر ۇلىن تانىستىردى. بۇل تۋرالى «قازاقپارات» اگەنتتىگى حابارلادى.
ءا.ساتىبالدين 1959 جىلى 13 قازاندا جامبىل وبلىسى تالاس اۋدانىنىڭ اقكول اۋىلىندا تۋعان. قازاق اۋىل شارۋاشىلىعى ينستيتۋتىن بىتىرگەن. ماماندىعى - ەكونوميست-ۇيىمداستىرۋشى.
1983 جىلى ەڭبەك جولىن تالاس اۋدانى اگروونەركاسىپتىك بىرلەستىگىنىڭ ەكونوميسى, مايتوبە كەڭشارىنىڭ باس ەكونوميسى بولۋدان باستاعان. قازاق قوي شارۋاشىلىعى تەحنولوگياسى عىلىمي-زەرتتەۋ ينستيتۋتىندا كىشى جانە اعا عىلىمي قىزمەتكەر, قازاق اگروونەركاسىپتىك كەشەنى ەكونوميكاسى جانە ۇيىمداستىرۋ عىلىمي-زەرتتەۋ ينستيتۋتىندا عىلىمي قىزمەتكەر, ءبولىم مەڭگەرۋشىسى, ينستيتۋت ديرەكتورىنىڭ ورىنباسارى, قازاق اۋىل شارۋاشىلىق عىلىمدارى اكادەمياسىنىڭ باس عىلىمي حاتشىسى, شىمكەنت عىلىمي-وندىرىستىك بىرلەستىگىنىڭ باس ديرەكتورى, پرەزيدەنتى اكىمشىلىگىنىڭ ەكونوميكالىق ساياسات ءبولىمى باستىعىنىڭ ءبىرىنشى ورىنباسارى, ۇلتتىق اكادەميالىق اگرارلىق زەرتتەۋلەر ورتالىعىنىڭ باس ديرەكتورى, اگرارلىق عىلىمدار بويىنشا عىلىم اكادەمياسىنىڭ ۆيتسە-پرەزيدەنتى, عىلىم مينيسترلىگى عىلىم اكادەمياسىنىڭ ۆيتسە-پرەزيدەنتى, تقحك تۇرىك ءتىلدى ەلدەردىڭ ينتەگراتسيالىق بايلانىسىن زەرتتەۋ ينستيتۋتىنىڭ ديرەكتورى قىزمەتتەرىن اتقارعان.
2007 جىلى مامىردا قازاقستان رەسپۋبليكاسىنىڭ مەملەكەتتىك قىزمەت ىستەرى جونىندەگى اگەنتتىكتىڭ جامبىل وبلىسىنداعى اۋماقتىق باسقارما باستىعى -تارتىپتىك كەڭەستىڭ توراعاسى بولىپ تاعايىندالدى.
«قۇرمەت» وردەنىمەن ماراپاتتالعان.
بۇعان دەيىن ءا.ساتىبالدين قاي اق باسقارما توراعاسى مىندەتىن ۋاقىتشا اتقارۋشىسىنىڭ ورىنباسارى بولعان.
ساكەن مايلىباي.
دەرەككوز: قازاقپارات.