اقتاۋ. 6 مامىر. كاسپي تەڭىزىندە زاڭسىز بالىق اۋلاعان براكونەرلەر ۇستالدى. بۇل تۋرالى «جاعالاۋ كۇزەتى» وڭىرلىك باسقارماسىنىڭ تەڭىز شەكارا بولىمشەسى دەرەگىنە سۇيەنگەن egemen.kz ءتىلشىسى حابارلادى.
تەڭىز شەكاراشىلارى ۇستاعان 12 براكونەردىڭ بارلىعى دا قازاقستان ازاماتتارى بولىپ شىقتى.
ءوز جاۋىنگەرلىك مىندەتتەرىنە ساي براكونەرلىك قىزمەتتىڭ جولىن كەسۋ, سۋ رەسۋرستارىن قورعاۋ جانە «بەكىرە-2014» كەڭ اۋقىمدى بالىق قورعاۋ اكتسياسى اياسىندا تەڭىز شەكاراشىلارى موتورمەن جاراقتاندىرىلعان «كازانكا» ءتيپتى 4 قايىق تاركىلەگەن. سونداي-اق, 6 750 دانا 29 000 مەتر اۋ مەن 13 500 مەتر قارماق تاپقان. ال ولاردان الىنعان 306 بەكىرەنىڭ 26-ءسى ءتىرى, قالعان 280-ءى ءولى كۇيدە بولعان.بۇلاردان باسقا ءبىر تسەنتنەرگە تارتا بالىق پەن 18 ءولى يتبالىق تا تاركىلەنىپتى.
فاكتىمەن قازىر قۇقىق قورعاۋ ورىندارى اينالىسۋدا, قىلمىستىق وقيعا بويىنشا جاۋاپتىلار جازاعا تارتىلادى دەپ كۇتىلۋدە.
گۇلايىم شىنتەمىرقىزى.
دەرەككوز: egemen.kz.
فوتو: life24.kz.