اتىراۋ. 6 مامىر. اتىراۋداعى ع.سلانوۆ اتىنداعى وبلىستىق عىلىمي-امبەباپ كىتاپحانادا سارايشىق تۋرالى جاڭا كىتاپتىڭ تۇساۋى كەسىلدى. بۇل تۋرالى egemen.kz ءتىلشىسى حابارلادى.
قازاقستان جازۋشىلار جانە جۋرناليستەر وداقتارىنىڭ مۇشەسى, «قازاقستان-Zaman» گازەتىنىڭ باس رەداكتورى ەرتاي ايعالي ۇلىنىڭ «سارايشىق حانشاسى جانە يۆان گروزنىي» اتتى كىتابى «تايماس» باسپا ۇيىنەن 1000 دانامەن جارىق كورگەن.
تۇساۋكەسەر بارىسىندا كىتاپ اۆتورى جينالعانداردىڭ كوپتەگەن سۇراقتارىنا جاۋاپ بەردى.
«سارايشىق حانشاسى جانە يۆان گروزنىي» قوس جەلىلى تاريحي رومانىمدا تاريحىمىزدىڭ تەرەڭ قويناۋىندا قالعان سارايشىق قالاسىنىڭ سول كەزدەگى ء(ىح-حVI عاسىرلاردا) ءومىر تىنىسى, تىرشىلىگى, وركەندەۋ, گۇلدەنۋ ءداۋىرى جانە كۇيرەۋى اڭىزدىق ميفولوگيالىق كەيىپكەر اققۋ حانشا جانە باسقا دا تاريحي تۇلعالار ارقىلى شىنايى سۋرەتتەلەدى. 1581 جىلى الەمدەگى ەڭ سۇلۋ قالالاردىڭ ءبىرى, نوعاي ورداسى مەن قازاق حاندىعىنىڭ استاناسى بولعان سارايشىقتى ورىس پاتشاسى يۆان گروزنىي قيراتتىرادى. بەيبىت قالانىڭ تۇرعىندارىن بايلىعىن تونايدى. قوسارلى جەلىدە اياگۇل باستاعان بالالار قالانىڭ تاريحىن زەرتتەيدى جانە ءولى قالانىڭ جايىق وزەنىنە جۇتىلىپ كەتپەۋى ءۇشىن كۇرەس جۇرگىزەدى. روماننىڭ تارتىستى دا, شىتىرمان وقيعالارى جاس وقىرمانداردى عانا قىزىقتىرمايدى, تاريحي-تانىمدىق تۇرعىدا ايتىلعان ماسەلەلەر اعا بۋىننىڭ دا نازارىن اۋدارارى ءسوزسىز», -دەدى ە.ايعالي ۇلى.
جولداسبەك شوپەعۇل.
دەرەككوز: egemen.kz.
فوتو: egemen.kz.