استانا. 6 مامىر. بۇگىن مەملەكەت باسشىسىنىڭ جارلىعىمەن ءبىر توپ اسكەري, قۇقىق قورعاۋ جانە ۇلتتىق قاۋىپسىزدىك ورىندارىنىڭ قىزمەتكەرلەرى مەملەكەتتىك ناگرادالارمەن ماراپاتتالدى. بۇل تۋرالى akorda kz حابارلادى.
سالتاناتتى جيىن بارىسىندا پرەزيدەنت: «بارشاڭىز ۇلگى الۋعا لايىقتىسىزدار, سىزدەرگە قاراپ جاستار بوي تۇزەيدى. سىزدەردىڭ ىستەرىڭىز – ءوز حالقىن ءسۇيۋدىڭ جانە وعان ادال بولۋدىڭ ۇزدىك ۇلگىسى», – دەدى.
سالتاناتتى ءراسىم بارىسىندا ءىى دارەجەلى «داڭق» وردەنىمەن ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى (قارجى پوليتسياسى) توراعاسىنىڭ ورىنباسارى م.احمەتجانوۆ, ىشكى ىستەر مينيسترلىگى قىلمىستىق-اتقارۋ جۇيەسى كوميتەتىنىڭ توراعاسى ب.بەردالين, قورعانىس مينيسترلىگى 68665 اسكەري ءبولىمىنىڭ كومانديرى ا.جۇماكەەۆ, اقمولا وبلىسىنىڭ پروكۋرورى م.ءيسادىلوۆ, استانا قالاسى توتەنشە جاعدايلار دەپارتامەنتىنىڭ باستىعى م.ىسقاقوۆ جانە اۋە قورعانىسى كۇشتەرىنىڭ باس قولباسشىسى ن.ورمانبەتوۆ ماراپاتتالدى.
ءىى دارەجەلى «ايبىن» وردەنىنە مەملەكەتتىك كۇزەت قىزمەتى باستىعى اپپاراتىنىڭ باسقارما باستىعى ر.جامبىلوۆا, ۇلتتىق قاۋىپسىزدىك كوميتەتى دەپارتامەنت باستىعىنىڭ ءبىرىنشى ورىنباسارى س.كليمچۋك, قورعانىس مينيسترلىگى 14776 اسكەري ءبولىمى كومانديرىنىڭ ورىنباسارى – ءبولىم ورتالىعىنىڭ باستىعى ا.مۇقاتاەۆ, ۇلتتىق قاۋىپسىزدىك كوميتەتى شەكارا قىزمەتى جەكە اۆياتسيالىق ەسكادريلياسىنىڭ كومانديرى ە.سماعۇلوۆ لايىقتى دەپ تانىلدى.
ءىىى دارەجەلى «ايبىن» وردەنىمەن ىشكى ىستەر مينيسترلىگى ىشكى اسكەرلەر «وڭتۇستىك» وڭىرلىك قولباسشىلىعى 7552 اسكەري ءبولىمى اتقىشتار باتالونىنىڭ بولىمشە كومانديرى ج.بايانباەۆ, قورعانىس مينيسترلىگى 53898 اسكەري ءبولىمى اۆياتسيالىق ەسكادريلياسىنىڭ اعا اۆياتسيا مەحانيگى ب.موينوۆ, اقمولا وبلىسى توتەنشە جاعدايلار دەپارتامەنتى «ءورت ءسوندىرۋ جانە اپاتتىق-قۇتقارۋ جۇمىستارى قىزمەتى» مەملەكەتتىك مەكەمەسى كوكشەتاۋ قالاسى № 1 مامانداندىرىلعان ءورت ءسوندىرۋ ءبولىمىنىڭ جۇرگىزۋشىسى يۋ.نوۆوسەلتسەۆ, 0112 اسكەري ءبولىمىنىڭ بولىمشە كومانديرى ع.تويشىباەۆ ناگرادتالدى.
«ەرلىگى ءۇشىن» مەدالىمەن قورعانىس مينيسترلىگى 64471 اسكەري ءبولىمىنىڭ اعا وفيتسەرى و.باۋكەن, قاراعاندى وبلىسى توتەنشە جاعدايلار دەپارتامەنتى «ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مەملەكەتتىك مەكەمەسى ءورت ءسوندىرۋ كەزەكشى قىزمەتى جەتەكشىسىنىڭ كومەكشىسى م.دۇيسەنباەۆ, پاۆلودار قالاسى ىشكى ىستەر باسقارماسى جول-پاترۋلدىك پوليتسيا باتالونىنىڭ ۆزۆود كومانديرىنىڭ ورىنباسارى ە.نۇرعاليەۆ, ال «جاۋىنگەرلىك ەرلىگى ءۇشىن» مەدالىمەن قورعانىس مينيسترلىگى 74884 اسكەري ءبولىمىنىڭ كومانديرى ا.اسانباي, قورعانىس مينيسترلىگى 65229 اسكەري ءبولىمى اۆياتسيالىق ەسكادريلياسى كومانديرىنىڭ ورىنباسارى د.گروتس, ۇلتتىق قاۋىپسىزدىك كوميتەتى قوستاناي وبلىسى بويىنشا دەپارتامەنتىنىڭ باسقارما باستىعى يۋ.ەۆدوكيموۆ ماراپاتتالدى.
جولدىباي بازار.
دەرەككوز: akorda kz.
فوتو: «قازاقپارات».