استانا. 6 مامىر. وتان قورعاۋشىلار كۇنى قارساڭىندا مەملەكەت باسشىسى, قارۋلى كۇشتەردىڭ جوعارعى باس قولباسشىسى نۇرسۇلتان نازارباەۆ بىرقاتار ازاماتقا كەزەكتى جوعارى اسكەري جانە ارناۋلى اتاقتار, سىنىپتىق شەندەر تاپسىردى. بۇل تۋرالى akorda.kz حابارلادى.
مەملەكەت باسشىسى وسى بەرىلگەن اتاقتار بۇكىل اسكەري قىزمەت بارىسىنداعى ەرەن ەڭبەكتىڭ ناتيجەسى ەكەنىنە توقتالا وتىرىپ: «بۇل – مەملەكەت تاراپىنان بەرىلگەن جوعارى باعا. گەنەرال بولۋ – زور مارتەبە, سىزدەر وعان لايىقتى بولۋعا تيىسسىزدەر. مىقتى دەنساۋلىق جانە قىزمەتتەرىڭىزگە تابىس تىلەيمىن», – دەدى.
سونىمەن, شارا بارىسىندا ۇلتتىق ۇلاننىڭ باس قولباسشىسى ر.جاقسىلىقوۆ, قورعانىس ءمينيسترىنىڭ ورىنباسارى و.ساپاروۆ گەنەرال-لەيتەنانت اتاعىن الدى.
گەنەرال-مايور شەنى ۇلتتىق ۇلان باس قولباسشىسىنىڭ ءبىرىنشى ورىنباسارى ب.اشكاروۆقا, توتەنشە جاعدايلار مينيسترلىگى ازاماتتىق قورعانىس دەپارتامەنتىنىڭ ديرەكتورى ج.جۇماشەۆقا, اۋە شابۋىلىنا قارسى قورعانىس اسكەرلەرىنىڭ قولباسشىسى ن.مۇقانوۆقا, اۋە قورعانىسى كۇشتەرى باس قولباسشىنىڭ ءبىرىنشى ورىنباسارى – اۋە قورعانىسى كۇشتەرى باس شتابىنىڭ باستىعى م.ۋاشپاەۆقا, وڭىرلىك قولباسشىلىق كۇشتەرى قولباسشىسىنىڭ ءبىرىنشى ورىنباسارى – «وڭتۇستىك» وڭىرلىك قولباسشىلىعى كۇشتەرىنىڭ قولباسشىسى باسقارماسىنىڭ شتاب باستىعى م.حۋسايىنوۆقا بەرىلدى.
ال ۇلتتىق قاۋىپسىزدىك قىزمەتىنىڭ گەنەرال-مايورى ارناۋلى اتاعى ۇلتتىق قاۋىپسىزدىك كوميتەتى توراعاسىنىڭ ورىنباسارى س.ابىشكە, استانا قالاسى بويىنشا دەپارتامەنتتىڭ باستىعى ك.ەلۋباەۆقا, اقتوبە وبلىسى بويىنشا دەپارتامەنت باستىعى ن.قىدىرباەۆقا ۇسىنىلدى.
قارجى پوليتسياسىنىڭ گەنەرال-مايورى ارناۋلى اتاعىن ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگى توراعاسىنىڭ ورىنباسارى ا.بودانوۆ الدى. «سىربار» سىرتقى بارلاۋ قىزمەتى ديرەكتورىنىڭ ورىنباسارى ر.وماروۆ سىرتقى بارلاۋ قىزمەتىنىڭ گەنەرال-مايورى ارناۋلى اتاعىن يەلەندى.
پوليتسيا گەنەرال-مايورى ارناۋلى اتاعى قاراعاندى وبلىسى ىشكى ىستەر دەپارتامەنتىنىڭ باستىعى م.جاپپاروۆقا, الماتى قالاسى ىشكى ىستەر دەپارتامەنتىنىڭ باستىعى س.كۇدەباەۆقا, قوستاناي وبلىسى ىشكى ىستەر دەپارتامەنتىنىڭ باستىعى ت.ماتكەنوۆكە تاپسىرىلدى.
3-سىنىپتى ادىلەت مەملەكەتتىك كەڭەسشىسى سىنىپتىق شەنى سولتۇستىك قازاقستان وبلىسىنىڭ پروكۋرورى س.زايتلەرگە, باتىس قازاقستان وبلىسىنىڭ پروكۋرورى س.قارامانوۆقا, وڭتۇستىك قازاقستان وبلىسىنىڭ پروكۋرورى ي.يمانوۆقا تاپسىرىلدى.
جولدىباي بازار.
دەرەككوز: akorda.kz.
فوتو: akorda.kz.