الماتى. 6 مامىر. وسىدان بىرنەشە جىل بۇرىن سۋ تاسقىنى سالدارىنان قارا جامىلعان الماتى وبلىسىنداعى قىزىلاعاش اۋىلىنىڭ تۇرعىندارى كوكپەكتى اۋىلىنا گۋمانيتارلىق كومەك جولدادى. بۇل تۋرالى gazeta.kz حابارلادى.
باستارىنا قيىن كۇن تۋعاندا تالايدان ماتەريالدىق جاردەم, رۋحاني كۇش العان قىزىلاعاشتىقتار قاراعاندى وبلىسىنداعى كوكپەكتى اۋىلىنىڭ تۇرعىندارىنا شىن ىقىلاستارىمەن 10 توننا ازىق-ت ۇلىك: ۇن, قانت, ماكارون ونىمدەرىن, وسىمدىك مايى مەن ءتۇرلى تاتتىلەر جىبەرگەن.
«نۇر وتان» پارتياسى اۋداندىق فيليالى وكىلدەرىنىڭ ايتۋىنشا, زارداپ شەككەن ەلدى مەكەن تۇرعىندارى قىزىلاعاشتىقتاردىڭ وڭ پەيىلدەرىنە العىستارىن ءبىلدىردى.
سۋ تاسقىنىنان زارداپ شەككەن قاراعاندى وبلىسى بۇقار جىراۋ اۋدانى كوكپەكتى اۋىلىنا ەلىمىزدىڭ تۇكپىر-تۇكپىرىنەن ءتۇرلى قايىرىمدىلىق كومەكتەر كەلۋدە.
جولدىباي بازار.
دەرەككوز: gazeta.kz.
فوتو: gazeta.kz.