استانا. 6 مامىر. 6-8 مامىر ارالىعىندا قازاقستاننىڭ بىرقاتار وبلىستارىندا جوعارى اتموسفەرالىق قىسىم ورنايدى. ماسەلەن, كۇندىز اۋا 20-30 گرادۋسقا دەيىن جىلىنادى. بۇل تۋرالى «قازگيدرومەت» حابارلادى.
ەلىمىزدىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسى 25-30-دان 36 گرادۋسقا دەيىن كوتەرىلۋى مۇمكىن.
ال باتىستا 6 مامىردا, سولتۇستىكتە 8 مامىردا كەي جەرلەردە وتكىنشى جاڭبىر جاۋىپ, نايزاعاي ويناپ, جەلدىڭ سوعۋ جىلدامدىعى 13-18 م/س-عا دەيىن جەتۋى ىقتيمال. سونداي-اق, شىعىس قازاقستان وبلىسىندا شاڭدى داۋىل بولادى.
«قازگيدرومەت» الداعى تاۋلىكتەردە ەسىل وزەنىندە كوكتەمگى سۋدىڭ جايىلۋى ارتىپ, سۋ دەڭگەيىنىڭ كوتەرىلەتىنىن, سول سياقتى, رەسپۋبليكامىزدىڭ وڭتۇستىك, وڭتۇستىك-شىعىس جانە شىعىس وڭىرلەرىندە دە سۋ كولەمى كوبەيەتىنىن ەسكەرتەدى.
جولدىباي بازار.
دەرەككوز: «قازگيدرومەت».
فوتو: voxpopuli.kz.