وندا ەكونوميكا سالاسىنا كادرلار دايىنداۋ ماسەلەسى تالقىلانادى
16 مامىردا پارلامەنت ماجىلىسىندە «تەحنيكالىق, كاسىپتىك جانە جوعارى ءبىلىم بەرۋ جۇيەسىندە ەكونوميكا سالالارى ءۇشىن كادرلار دايارلاۋدىڭ ساپاسى مەن پەرسپەكتيۆالارى» تاقىرىبىندا پارلامەنتتىك تىڭداۋ وتەدى, دەپ حابارلادى ءماجىلىستىڭ ءباسپاسوز قىزمەتى.
شارانىڭ باستاماشىسى جانە ۇيىمداستىرۋشىسى پالاتانىڭ الەۋمەتتىك-مادەني دامۋ كوميتەتى. كوميتەت ءتورايىمى گۇلنار ىقسانوۆانىڭ اتاپ وتكەنىندەي, ەكونوميكا سالاسىن كاسىبي ماماندارمەن قامتاماسىز ەتۋگە قاتىستى شەشىمىن تاپپاعان ماسەلەلەر وسى شاراعا تۇرتكى بولىپ وتىر.
ولاردىڭ قاتارىندا مامانداردى دايىنداۋ دەڭگەيى, اۋىل شارۋاشىلىعى, ونەركاسىپ, ەڭبەك نارىعىندا تەڭگەرىمسىزدىكتى جويۋ, جۇمىسشى جانە ينجەنەر-تەحنيكالىق كادرلاردى دايىنداۋ, ءبىلىم باعدارلامالارىنىڭ ەكونوميكا سۇرانىسىمەن سايكەستىلىگى, باسقا دا ءماسەلەلەردى اتاپ وتۋگە بولادى.
تالقىلاۋعا مينيسترلىكتەر, ۇلتتىق كومپانيالار باسشىلارى, جۇمىس بەرۋ قاۋىمداستىعى وكىلدەرى, جوو رەكتورلارى, كاسىبي جانە تەحنيكالىق ءبىلىم بەرۋ ۇيىمى ديرەكتورلارى شاقىرىلعان.
پارلامەنتتىك تىڭداۋ قورىتىندىسى بويىنشا ءتيىستى ۇسىنىستار قابىلداۋ جوسپارلانۋدا.