قر ەكولوگيا, گەولوگيا جانە تابيعي رەسۋرستار ءمينيسترىنىڭ بۇيرىعىمەن تالعات باقتيار ۇلى ساتيەۆ گەولوگيا كوميتەتىنىڭ توراعاسى قىزمەتىنەن بوساتىلدى, دەپ حابارلايدى Egemen.kz پرەمەر-ءمينيستردىڭ رەسمي سايتىنا سىلتەمە جاساپ.
تالعات ساتيەۆ 1973 جىلى 7 ماۋسىمدا شىعىس قازاقستان وبلىسىندا دۇنيەگە كەلگەن.
سەمەي گەولوگيالىق بارلاۋ تەحنيكۋمىن, ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن تامامداعان.
ەڭبەك جولىن 1999 جىلى سەمەي قالاسىنداعى «شىعىسقازجەرقويناۋى» مەملەكەتتىك مەكەمەسى سەمەي جەر قويناۋىن قورعاۋ جانە پايدالانۋ ينسپەكتسياسىنىڭ جەتەكشى مامانى بولىپ باستادى.
ءار جىلدارى سەمەي ايماقتىق گەولوگيا جانە جەر قويناۋىن پايدالانۋ ينسپەكتسياسىنىڭ باس مامان-ينسپەكتورى, باسشىسى, سەمەي قالاسىنداعى «شىعىسقازجەرقويناۋى» گەولوگيا دەپارتامەنتى باسشىسىنىڭ ورىنباسارى, باسشىسى بولىپ قىزمەت ەتتى.
2014 جىلى قر ينۆەستيتسيالار جانە دامۋ مينيسترلىگى گەولوگيا جانە جەر قويناۋىن پايدالانۋ كوميتەتى توراعاسىنىڭ ورىنباسارى بولىپ تاعايىندالدى. قر يندۋستريا جانە ينفراقۇرىلىمدىق دامۋ مينيسترلىگى گەولوگيا جانە جەر قويناۋىن پايدالانۋ كوميتەتى توراعاسىنىڭ ورىنباسارى, قر ەكولوگيا, گەولوگيا جانە تابيعي رەسۋرستار مينيسترلىگى گەولوگيا كوميتەتى توراعاسىنىڭ ورىنباسارى بولدى.
2021 جىلدان باستاپ قازىرگى كەزگە دەيىن قر ەكولوگيا, گەولوگيا جانە تابيعي رەسۋرستار مينيسترلىگى گەولوگيا كوميتەتىنىڭ توراعاسى بولىپ قىزمەت ەتتى.