بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ بىرقاتار وبلىستا ماكروەكونوميكالىق كورسەتكىشتەردىڭ جالپى وسۋىمەن جەكەلەگەن باعىتتار بويىنشا تومەندەۋ تىركەلگەنىن اتاپ ءوتتى, دەپ جازادى Egemen.kz.
«وڭىرلەرگە كەلەتىن بولساق, تۇركىستان, جامبىل, الماتى, قىزىلوردا, پاۆلودار, باتىس قازاقستان وبلىستارى, استانا جانە الماتى قالالارى بارلىق نەگىزگى ماكروكورسەتكىشتەر بويىنشا ءوسىم كورسەتىپ وتىر. بىراق كەيبىر وڭىرلەر جوسپارلى ءوسىمدى قامتاماسىز ەتە العان جوق. اقمولا وبلىسىندا ءۇش كورسەتكىش, اتىراۋ وبلىسىندا ءتورت كورسەتكىش تومەندەگەن», دەدى ولجاس بەكتەنوۆ.
وڭدەۋ ونەركاسىبىنىڭ ءوسۋ قارقىنى 8,5%-عا دەيىن جەدەلدەدى
كورسەتكىشتەردىڭ تومەندەۋى بايقالعان اتىراۋ جانە اقمولا وبلىستارى اكىمدەرىنىڭ باياندامالارى تىڭدالدى.
ء«وڭىر اكىمدەرىنە قالىپتاسقان جاعدايعا جان-جاقتى تالداۋ جۇرگىزىپ, قاجەتتى شارالار قابىلداۋدى تاپسىرامىن. بارلىق وڭىرلەر نەگىزگى كورسەتكىشتەردى تۇراقتى باقىلاۋدا ۇستاسىن, ولاردىڭ تومەندەۋىنە مۇلدە جول بەرۋگە بولمايدى», دەدى ولجاس بەكتەنوۆ. قازاقستان ەكونوميكاسى 3%-عا ءوستىايتا كەتەيىك, بۇگىن ۇكىمەت وتىرىسىندا 2026 جىلدىڭ قاڭتار-ناۋرىز ايلارىنداعى الەۋمەتتىك-ەكونوميكالىق دامۋ قورىتىندىلارى مەن رەسپۋبليكالىق بيۋدجەتتىڭ ورىندالۋى قارالدى.