تامىز ايىندا اۋا رايى قانداي بولادى

سينوپتيكتەردىڭ مالىمەتىنشە, ەلدىڭ سولتۇستىك وڭىرلەرىندەگى اۋا رايى سالىستىرمالى تۇردە سالقىن بولادى. قازاقستاننىڭ باسىم بولىگىندە اۋا رايى تۇراقسىز بولادى دەپ كۇتىلەدى.

اتموسفەرالىق فرونتتاردىڭ وتۋىمەن قىسقا مەرزىمدى جاڭبىر جاۋادى: ەلدىڭ شىعىسىندا نايزاعاي, بۇرشاق كۇتىلەدى, جەلدىڭ ەكپىنى سەكۋندىنا 15-25 مەترگە دەيىن كۇشەيەدى, سولتۇستىك ايماقتاردا تۇندە جانە تاڭەرتەڭ تۇمان بولۋى مۇمكىن.

ايدىڭ باسىندا, ەلدىڭ سولتۇستىك جارتىسىنداعى سالقىن اۋا رايى, سولتۇستىك سۋىق انتيتسيكلوننىڭ اسەرىمەن بايلانىستى بولادى. الايدا ءبىرىنشى ونكۇندىكتىڭ سوڭىندا سۋىق انتيتسيكلوننىڭ ەلدەن تىس جەرلەرگە, سولتۇستىك وڭىرلەرگە ىعىسۋىمەن جانە وڭتۇستىك تسيكلوننىڭ شىعۋىمەن جىلى اۋا ماسسالارى شىعارىلادى, بۇل تەمپەراتۋرانىڭ كوتەرىلۋىنە اكەلەدى. وسىلايشا, اۋا تەمپەراتۋراسى تۇندە +18 +23°س, كۇندىز +25 +33°س-قا دەيىن جەتەدى.

وڭتۇستىك جانە وڭتۇستىك-شىعىس وڭىرلەردە ءبىرىنشى ونكۇندىك ىشىندە تەمپەراتۋرالىق فون بىرتىندەپ جوعارىلايدى دەپ بولجانىپ وتىر: تۇندە +15 +20°س-تان +20 +25°س-قا دەيىن, كۇندىز +25 +32°س-تان +33 +40°س-قا دەيىن.

«ايدىڭ ورتاسىندا رەسپۋبليكانىڭ سولتۇستىك جارتىسىنا قايتادان سۋىق اۋا ماسسالارى تۇسەدى, بۇل اۋا رايىنىڭ تۇراقسىز بولۋىنا اكەلەدى. دەگەنمەن, سۋىق ۇزاققا سوزىلمايدى. اۋا تەمپەراتۋراسى تۇندە +10 +18°س-تان +18 +25°س-قا دەيىن, كۇندىز +17 +22°س-تان +25 +30°س-قا دەيىن اۋىتقيدى, ال وڭتۇستىك وڭىرلەردە اۋا تەمپەراتۋراسىنىڭ نەگىزگى اياسى +28 +38°س بولادى, بىراق جەكەلەگەن كۇندەرى جىلۋدىڭ تومەندەۋى بولجانىپ وتىر. جازدىڭ سوڭعى ايىنداعى اۋا رايىنا كۇز مەزگىلى اسەر ەتەدى», دەلىنگەن حابارلامادا.

اركتيكالىق تەڭىزدەردىڭ اۋداندارىنان سۋىق اۋا ماسسالارىنىڭ باسىپ كىرۋى, قازاقستاننىڭ باسىم بولىگىندە تەمپەراتۋرالىق فوننىڭ ەلەۋلى تومەندەۋىنە الىپ كەلەدى. ەلدىڭ سولتۇستىك جارتىسىندا تۇندە اۋا تەمپەراتۋراسى +2 +12°س-قا دەيىن, جەكەلەگەن اۋدانداردا كۇندىز +15 +20°س-قا دەيىن, وڭتۇستىك جارتىسىندا تۇندە +10 +15°س-قا دەيىن, كۇندىز +20 +27°س-قا دەيىن تومەندەيدى.