استانا. 5 مامىر. بۇگىن تۇندە قازاقستان قۇراماسى فرانتسۋزدىڭ رۋان قالاسىندا الەم چەمپيوناتى قارساڭىنداعى دايىندىق سەرياسى رەتىندە فرانتسيانىڭ باس كومانداسىمەن جولداستىق كەزدەسۋ وتكىزىپ, اتالمىش جاماعاتتان قاتارىنان ەكىنشى جەڭىلىسىنە ۇشىرادى. بۇل تۋرالى egemen.kz حابارلادى.
كەزدەسۋ 3:5 ەسەبىمەن اياقتالدى. ماتچتا قازاقستاندىق رومان ستارچەنكو ەسەپ اشقاننان كەيىن, فرانتسۋزدار ۆيتالي ەرەمەەۆتىڭ قاقپاسىن ءتورت رەت ءدال كوزدەي ءبىلدى. مۇنى تەددي دا كوستا, انتوني گيۋتتيگ جانە ەكى دۇركىن جيۋلەن دەروزە جاسادى. ويىننىڭ ءۇشىنشى كەزەڭىندە ءبىزدىڭ جاساققا ستارچەنكو مەن تالعات جايلاۋوۆتىڭ گولدارى ارقىلى ەسەپتى قىسقارتۋدىڭ ورايى كەلدى. ال سوڭعى نۇكتەنى فرانتسۋز دامەن فلەري قويدى.
ەسكە سالا كەتەيىك, بۇل كوماندالاردىڭ بۇدان ءبىر كۇن بۇرىن وتكەن ءبىرىنشى جولداستىق كەزدەسۋىندە فرانتسۋزدار 3:1 ەسەبىمەن باسىم تۇسكەن بولاتىن. قازاقستاندىقتار قۇرامىنان جالعىز شايبانى ستارچەنكو سالدى. وسى تۇستا ءبىزدىڭ كوماندا 0:2 بولىپ ۇتىلىپ تۇرعان ەدى. قاقپادا الەكسەي يۆانوۆتىڭ تۇرعانىن دا ايتا كەتەيىك.
تاعى دا ەسكە سالا كەتەيىك, مۇنىڭ الدىندا قازاقستان قۇراماسى يتاليا كومانداسىمەن دە ەكى جولداستىق كەزدەسۋ وتكىزگەن. ونىڭ ءبىرىنشى ماتچىندا ءبىزدىڭ جەرلەستەرىمىز 1:3 بولىپ ۇتىلسا, ەكىنشىسىندە 4:2 ەسەبىمەن جەڭىسكە جەتكەن ەدى.
ۇستىمىزدەگى جىلعى ەليتالىق ديۆيزيونداعى الەم چەمپيوناتى 9 مامىر كۇنى بەلارۋستىڭ استاناسى – مينسك قالاسىندا باستالادى. وندا قازاقستان قۇراماسى «ۆ» توبىندا فينلياندميا, رەسەي, اقش, شۆەيتساريا, گەرمانيا, لاتۆيا جانە بەلارۋس قۇرامالارىمەن كۇش سىناسادى.
دامير قوجامقۇل.
دەرەككوز: egemen.kz.
فوتو: sports.kz.