ەلىمىزدىڭ سولتۇستىگىندە كۇن سالقىندايدى

«بەلسەندى وڭتۇستىك تسيكلون جانە ونىمەن بايلانىستى اتموسفەرالىق فرونتالدى بولىمدەر بۇرىنعىسىنشا قازاقستاننىڭ بۇكىل اۋماعىنا ءوز اسەرىن تيگىزەدى. وسىعان بايلانىستى سولتۇستىك-باتىستا, سولتۇستىكتە قاتتى جاڭبىر كۇتىلەدى. نايزاعاي, سولتۇستىكتە, ورتالىقتا بۇرشاق, جەلدىڭ كۇشەيۋى, سولتۇستىكتە داۋىل بولادى», دەيدى ماماندار.

قوستاناي وبلىسىنىڭ سولتۇستىگىندە, شىعىسىندا, پاۆلودار وبلىسىنىڭ سولتۇستىگىندە, وڭتۇستىگىندە, تۇندە سولتۇستىك قازاقستان وبلىسىنىڭ سولتۇستىگىندە, باتىسىندا, كۇندىز اقمولا وبلىسىنىڭ سولتۇستىگىندە, باتىسىندا قاتتى جاڭبىر جاۋادى.

تۇركىستان, قىزىلوردا, جامبىل, جەتىسۋ, الماتى وبلىستارىنىڭ باسىم بولىگىندە, اتىراۋ, ۇلىتاۋ, اباي وبلىستارىنىڭ وڭتۇستىگىندە توتەنشە ءورت قاۋپى ساقتالادى. كۇندىز الماتى, جەتىسۋ, اتىراۋ وبلىستارىنىڭ باسىم بولىگىندە قاتتى ىستىق ساقتالادى.

نۇر-سۇلتان قالاسىندا كۇن بۇلتتى بولادى, كەي ۋاقىتتا جاڭبىر جاۋادى, نايزاعاي, كۇندىز بۇرشاق كۇتىلەدى. سولتۇستىك-باتىستان سولتۇستىك-شىعىسقا جەل اۋىسادى, كۇشى -9-14 م/س, كۇندىز ەكپىنى 15-20 م/س. اۋانىڭ تەمپەراتۋراسى تۇندە +15+17°س, كۇندىز +19+21°س گرادۋس بولادى.

الماتى قالاسىندا كۇن كوشپەلى بۇلتتى, جاۋىن-شاشىنسىز. جەل وڭتۇستىك-باتىستان سوعادى, كۇشى 3-8 م/س. اۋانىڭ تەمپەراتۋراسى تۇندە +21+23°س, كۇندىز +31+33°س بولادى.

شىمكەنت قالاسىندا كوشپەلى بۇلتتى, جاۋىن-شاشىنسىز. سولتۇستىك-باتىستان جەل سوعادى, كۇشى 8-13 م/س. اۋانىڭ تەمپەراتۋراسى تۇندە +21+23°س, كۇندىز +35+37°س بولادى.