بىراق سوتتالعاندار جوعارعى سوتقا جۇگىنە الادى, دەپ حابارلايدى Egemen.kz Pavlodarnews.kz-كە سىلتەمە جاساپ.
قالا اكىمىنىڭ ورىنباسارى مەن ونىڭ قاراماعىنداعى ەكى ادامعا قاتىستى ۇكىم 6 ماۋسىمدا ەكىباستۇز سوتىندا جاريالاندى.وبلىستىق سوتتاعى اپەللياتسيالىق ساتىدا شەشىم وزگەرىسسىز قالدى. ەكىباستۇز اكىمىنىڭ ورىنباسارى باۋىرجان احمەتوۆكە, تكش ءبولىمى باسشىسىنىڭ ورىنباسارى اسلانبەك سادىقوۆ پەن باس مامان قازبەك تۇسىپبەكوۆكە مەملەكەتتىك ساتىپ الۋ شارتتارى بويىنشا ورىندالعان جۇمىستار اكتىلەرىنە قول قويعانى, سونداي-اق قامقورلىعى ءۇشىن كاسىپكەرلەردەن جۇيەلى تۇردە پارا الدى دەگەن ايىپ تاعىلدى.
- ۇكىم بارلىق ءۇش ادامعا قاتىستى زاڭدى كۇشىنە ەندى, - دەپ ناقتىلادى وبلىستىق سوتتا.
ەسكە سالساق, سوت ۇكىمىمەن باۋىرجان احمەتوۆ سەگىز جىلعا, ال تۇسىپبەكوۆ پەن سادىقوۆ جەتى جانە التى جىلعا باس بوستاندىعىنان ايىرىلدى.سوتتالعاندار التى اي ىشىندە جوعارعى سوتقا كاسساتسيالىق تارتىپپەن قايتا قاراۋ تۋرالى ءوتىنىش بەرە الادى.بۇعان دەيىن ورىنباسارى ايىپتالعان ەكىباستۇز اكىمى ەگەر وبلىس اكىمى ونىڭ وتستاۆكاسىن قابىلداسا, قولاستىنداعىلاردىڭ ارەكەتى ءۇشىن كابينەتىن بوساتۋعا دايىن ەكەنىن ايتتى.