سالىقتىق مىندەتتەمەلەردى ۋاقتىلى ورىنداماعان جاعدايدا سالىق تولەۋشىلەر ارەكەتسىز دەپ تانىلعان سالىق تولەۋشىلەر تىزىمىنە ەنۋى مۇمكىن. ارەكەتسىز سالىق تولەۋشىلەر تىزىمىنەن قالاي شىعۋعا بولاتىنىن مەملەكەتتىك كىرىستەر كوميتەتىنىڭ وكىلدەرى ايتىپ بەردى.
سالىق كەزەڭى ءۇشىن سالىق كودەكسىندە بەلگىلەنگەن تابىس ەتۋ مەرزىمىنەن كەيىن ءبىر جىل وتكەن سوڭ تابىس ەتىلەتىن مىنا دەكلاراتسيالاردى تاپسىرماعان جاعدايدا ارەكەتسىز سالىق تولەۋشى بولىپ تانىلادى, ونىڭ ىشىندە:
1) زاڭدى تۇلعالار ءۇشىن كورپوراتيۆتىك تابىس سالىعى بويىنشا دەكلاراتسيا, جەكە كاسىپكەرلەر ءۇشىن جەكە تابىس سالىعى بويىنشا دەكلاراتسيا;
2) زاڭدى تۇلعالار دا, جەكە كاسiپكەرلەر دە ويىن بيزنەسiنە سالىق, تiركەلگەن سالىق بويىنشا دەكلاراتسيانى كورسەتiلگەن سالىق كەزەڭiنەن كەيiنگi ءۇش سالىق كەزەڭi ءۇشiن ۇسىنباعان جاعدايدا;
3) زاڭدى تۇلعالار دا, جەكە كاسىپكەرلەر دە ەكى سالىق كەزەڭى ءۇشىن وڭايلاتىلعان دەكلاراتسيانى ۇسىنباعان جاعدايدا.
سالىق تولەۋشى ءوزىنىڭ ارەكەتسىز سالىق تولەۋشى تىزىمىندە بار-جوعىن kgd.gov.kz سايتىندا, «ەلەكتروندىق قىزمەتتەر» مازىرىنەن «سەنىمسىز سالىق تولەۋشىلەردى ىزدەۋ» بولىمىندە تەكسەرە الادى.
ەگەر سەنىمسىز سالىق تولەۋشىلەر تىزىمىنە ەنسە
ەگەر سالىق تولەۋشى وسى تىزىمدە بولسا, وندا مىنا تالاپتاردى ورىنداۋ قاجەت:
1) سالىق ەسەپتىلىگىن تابىس ەتۋ جانە ەسەپتەلگەن سالىقتاردى تولەۋ بويىنشا سالىق مىندەتتەمەلەرىن ورىنداۋ;
2) «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنىڭ 272-بابىنا سايكەس اكىمشىلىك ماتەريالدى رەسىمدەۋ ءۇشىن ورنالاسقان جەرى بويىنشا مەملەكەتتىك كىرىستەر باسقارماسىنا كەلۋ.
سەنىمسىز سالىق تولەۋشىلەر تىزىمىنەن الىپ تاستاۋدىڭ جالپى مەرزىمى – 5 جۇمىس كۇنى.
تىزىمنەن شىعارىلعانىن 5 كۇننەن كەيىن «سەنىمسىز تولەۋشىلەردى ىزدەۋ» بولىمىندە سايتتان تەكسەرۋگە بولادى.
ارەكەتسىز سالىق تولەۋشى بولۋدىڭ كەمشىلىكتەرى
ارەكەتسىز سالىق تولەۋشىلەر تىزىمىندەگىلەردىڭ مىناداي سالدارى بار:
- ققس بويىنشا ەسەپتەن شىعارۋ;
- سەرىكتەستىك قىزمەتىندەگى كونتراگەنتتەردىڭ كۇماندانۋى;
- بانكتەردە شوت اشۋ جانە نەسيە الۋ مۇمكىندىگىنىڭ بولماۋى.
2022 جىلى ارەكەتسىز دەپ تانىلعان بارلىق سالىق تولەۋشىلەردىڭ سانى 11 180 ادامدى قۇرايدى.