استانا. 4 مامىر. قازاقستان قازىردىڭ وزىندە كەيبىر كورسەتكىشتەردى الىپ قاراعاندا الەمدەگى دامىعان 30 ەلدىڭ قاتارىندا تۇر. ورتالىق كوممۋنيكاتسيالار قىزمەتىنىڭ تاۋەلسىزدىك سارايىندا وتكەن كوشپەلi بريفينگىندە دامۋشى نارىقتار فورۋمىنىڭ اعا زەرتتەۋشiسi, دۇنيەجۇزىلىك بانكتىڭ وڭىرلىك بۇرىنعى ۆيتسە-پرەزيدەنتى يوحاننەس لينن وسىلاي دەدى. بۇل تۋرالى Bnews.kz حابارلادى.
بريفينگتە يوحاننەس لينن «قازاقستان-2050» ستراتەگياسىنا توقتالا كەلە: «قازاقستان-2050»: قازiرگi زامانعى ينكليۋزيۆتiك قوعام جولىندا» كiتابىندا ستراتەگيانى جۇزەگە اسىرۋدىڭ جەتى باسىم باعىتى بەلگىلەنگەن. ولار: تۇرعىنداردىڭ ءبىلىمى مەن دەنساۋلىعىنا ەرەكشە كوڭىل بولە وتىرىپ, ادام الەۋەتىن دامىتۋ, ءتيىمدى ەنگەرگەتيكا, «جاسىل» ءوسىم, ايماقتار مەن قالالاردى دامىتۋ, ارتاراپتاندىرىلعان زاماناۋي يننوۆاتسيالىق ەكونوميكا, ايماقتىق جانە عالامدىق ەكونوميكالىق ينتەگراتسيا مەن ىنتىماقتاستىق, تۇراقتى جانە اشىق ەكونوميكالىق ءارى ساياسي ينستيتۋتتار قۇرۋ», – دەدى.
ءوز سوزىندە قازاقستاننىڭ الەۋەتىن جوعارى باعالاعان مامان مەملەكەت باسشىسىنىڭ ويلارىنان وزىق 30 ەلدىڭ قاتارىنا قوسىلۋمەن عانا شەكتەلىپ قالمايتىنىن اڭعارعانىن جەتكىزدى.
يوحاننەس لينن: «پرەزيدەنت قازاقستاندىقتاردىڭ ءال-اۋقاتىن ارتتىرۋدىڭ ماڭىزدىلىعىن, الەۋمەتتىك ينستيتۋتتاردى دامىتۋ ماسەلەسىن جانە قورشاعان ورتا تۋرالى ايتتى. ەگەر, قازىرگى كۇنى حالىقارالىق وسىمگە, يندەكستەر مەن كورسەتكىشتەرگە, سوسىن قازاقستاننىڭ جاعدايىنا قاراساق, وندا العا قويعان ماقساتتارعا قول جەتكىزۋ ءۇشىن ەلدەگى ءومىر ساپاسىن قانشالىقتى دەڭگەيدە جاقسارتۋ كەرەك؟ بۇل جەردە اڭگىمە جان باسىنا تيەتىن تابىستا عانا بولىپ وتىرعان جوق. سوندىقتان دا, ءبىز قازاقستان قازىردىڭ وزىندە بىرقاتار كورسەتكىشتەر بويىنشا وزىق 30 ەلدىڭ قاتارىندا تۇر دەگەن پىكىرگە كەلەمىز», –دەدى.
جولدىباي بازار.
دەرەككوز: Bnews.kz.
فوتو: Toptj.com.