مەملەكەتارالىق ينتەگراتسيالاۋ ماسەلەسىن پىسىقتاۋعا شاقىردى

تۇراقتى دامۋعا ارنالعان يننو­ۆاتسيالار مەن تەحنولوگيالار جو­نىندەگى جۇمىس توبىنىڭ قۇرامىنا جوعارى دەڭگەيلى ساياساتكەرلەر, زەرتتەۋشىلەر جانە سپەكا-عا قا­تى­سۋشى جەتى ەلدىڭ, اتاپ ايت­قان­دا, اۋعانستان, ازەربايجان, قازاق­ستان, قىرعىزستان, تاجىكستان, تۇرىك­مەنستان جانە وزبەكستاننىڭ يننوۆاتسيالار مەن تەحنولوگيالار سالاسىنداعى باسقا دا مۇددەلى تاراپتارى كىرەدى.

بيىلعى كەزدەسۋ گيبريدتىك فور­ماتتا ءوتتى, وعان ەلىمىزدىڭ تسيفرلىق دامۋ, يننوۆاتسيالار جانە اەرو­عارىش ونەركاسىبى ۆيتسە-ء­مينيسترى اسقار جامباكين, سولتۇس­تىك جانە ورتالىق ازياعا ارنالعان سۋب­وڭىر­لىك بولىمشەنىڭ (SONCA) باس­شىسى, ەسكاتو نيكولاي پو­موش­­نيكوۆ, بۇۇ ەۋرازيالىق ەكو­نومي­كالىق كوميسسياسىنىڭ وكىلى كريستوفەر اتي, سونداي-اق سپەكا مۇشەلەرى قاتىستى.

سەسسيانىڭ اشىلۋىندا ءسوز سوي­­لەگەن ا.جامباكين قازاقستان­دا تسيفرلى ترانسفورماتسيا بويىنشا جۇرگىزىلىپ جاتقان جۇمىستار تۋرالى ايتىپ, ناتيجەلى شارالار ارقىلى ەلىمىز ونلاين قىزمەت­تەر­دى دامىتۋ دەڭگەيى بويىنشا بۇۇ رەيتينگىندە 11-ورىنعا, «ەلەك­ترون­دى ۇكىمەتتى» دامىتۋ ين­دەك­سى بويىنشا 29-ورىنعا جانە كيبەر­قاۋىپسىزدىك دەڭگەيى بويىنشا 31-ورىنعا يە ەكەنىن اتاپ ءوتتى.

ء«بىز جاڭا جۇيەلەردى ازىرلەۋ جانە مەملەكەتتىك سەرۆيستەرمەن ءوزارا ءىس-قيمىلدى جەڭىلدەتۋ ءۇشىن ازاماتتارمەن جانە بيزنەسپەن قا­رىم-قاتىناس ارنالارىن كەڭەيتۋ ارقىلى «حالىق ۇنىنە قۇلاق اساتىن مەملەكەت» تۇجىرىمداماسىنىڭ تسيفرلى كۇن ءتارتىبىن بەلسەندى تۇردە دامىتۋدامىز. ناتيجەسىندە, مەملەكەتتىك قىزمەتتەردىڭ شامامەن 95%-ى اۆتوماتتاندىرى­لىپ, ەلەكتروندى فورماتقا كو­شىرىلدى. قازىر ءبىز قىزمەتتەردى تسيفر­­­­لاندىرۋدىڭ 100% جولىندا تۇر­مىز», دەدى ۆيتسە-مينيستر.

سونىمەن قاتار ا.جامباقين وڭىردە ءبىر مەملەكەت عانا جۇرگىزىپ وتىرعان تسيفرلاندىرۋ ەسكاتو ۇيىمىنا قاتىسۋشى بارلىق ەل­­دىڭ تسيفرلى دامۋىنا الىپ كەل­مەي­تى­نىن اتاپ ءوتتى. وسىلايشا, قازاق­ستان زاڭنامالىق دەڭگەيدە تسيفر­لى قۇجاتتاردى قاعاز قۇجات­تار­عا تەڭەستىرسە دە, ءبىزدىڭ شە­تەل­دەگى ازا­ماتتارىمىز قاعاز نۇسقا­لا­رىن قولدانۋعا ءماجبۇر.

ء«بىز, ارينە, اقپاراتتىق قاۋىپ­سىز­دىك جانە مەملەكەتتەر قور­عاي­­تىن دەرەكتەردى تاراتپاۋ جونىن­دەگى بارلىق تالاپتى ەسكەرە وتى­رىپ, اقپاراتتىق جۇيەلەردىڭ مەم­لەكەتارالىق ينتەگراتسياسى تۋ­را­لى بايىپتى ويلانۋىمىز قا­جەت. ءبىزدىڭ تۇپكى ماقساتىمىز – ازا­ماتتاردىڭ, بيزنەستىڭ جانە مەم­لە­كەتتىك ورگانداردىڭ ءوزارا ءىس-قي­مىلىن قاراپايىم جانە ادامدارعا باعدارلى ەتۋ», دەپ ءوز ويىن ورتاعا سالدى ول.

بۇدان باسقا, جۇمىس توبىنىڭ وتىرىسى بارىسىندا الماتىدا سۋب­وڭىرلىك مامانداندىرىلعان ۇيىم – ورنىقتى دامۋ ءۇشىن تسيفر­لى شەشىمدەر ورتالىعى قۇرى­لاتىنى بەلگىلى بولدى. ونىڭ قىز­مەتى ورتالىق ازيا ءوڭىرىن تسيفر­لاندىرۋعا باعىتتالادى. كەزدەسۋ سوڭىندا ا.جامباكين سپەكا قاتىسۋشىلارىن 2022 جىلعى 28-29 قىر­كۇيەكتە نۇر-سۇلتاندا وتە­تىن Digital Bridge حالىقارالىق ءىس-شاراسىنا قاتىسۋعا شاقىردى.