ۋيمبلدون چەمپيونى, قازاقستاننىڭ ءبىرىنشى راكەتكاسى ەلەنا رىباكينا شۆەيتساريانىڭ نون قالاسىندا ورنالاسقان ەۋروپا فۋتبول قاۋىمداستىقتارى وداعىنىڭ (ۋەفا) شتاب-پاتەرىندە بولدى, دەپ حابارلايدى Egemen.kz.
قازاقستان تەننيس فەدەراتسياسىنان ءمالىم ەتكەندەي, 23 جاستاعى تەننيسشى ەۋروپانىڭ باس كلۋبتىق ءتۋرنيرى - چەمپيوندار ليگاسىنىڭ تروفەيىمەن سۋرەتكە ءتۇستى.
«تاماشا تاجىريبەسى مەن جىلى قابىلداعانى ءۇشىن ۋەفا-عا مىڭ العىس», دەپ جازدى قازاقستاندىق تەننيسشى Instagram پاراقشاسىندا.
ە.رىباكينا ۋيمبلدوننان كەيىنگى العاشقى جارىسىن اقش-تا وتكىزەدى. ول 1-7 تامىزدا بولاتىن سان-حوسە WTA 500 تۋرنيرىندە باق سىنايدى.