«قازگيدرومەت» رمك 27 شىلدە كۇنى اۋا رايىنىڭ بۇزىلۋىنا بايلانىستى 12 وڭىردە ەسكەرتۋ جاريالادى, دەپ حابارلايدى Egemen.kz.
اتاپ ايتقاندا, نۇر-سۇلتان قالاسىندا نايزاعاي ويناپ, جەلدىڭ كۇشى 20 م/س دەيىن جەتەدى.
قىزىلوردا وبلىسىندا جەل باتىستان, سولتۇستىك-باتىستان سوعادى, كۇندىز وبلىستىڭ ورتالىعىندا كۇشى 15-20 م/س جەتەدى. ءوڭىردىڭ باسىم بولىگىندە توتەنشە ءورت قاۋپى ساقتالادى.
باتىس قازاقستان وبلىسىنىڭ سولتۇستىگىندە, شىعىسىندا نايزاعاي, بۇرشاق بولجانادى.
تۇندە اقمولا وبلىسىنىڭ باتىس بولىگىندە, كۇندىز باتىسىندا, سولتۇستىگىندە, وڭتۇستىگىندە نايزاعاي, بۇرشاق بولادى. وڭتۇستىك-شىعىستان جەل سوعادى, كۇندىز ەكپىنى 15-20 م/س جەتەدى.
ماڭعىستاۋ وبلىسىنىڭ سولتۇستىگىندە نايزاعاي ويناپ, تۇندە جانە تاڭەرتەڭ باتىستا تۇمان كۇتىلەدى. كۇندىز وبلىستىڭ وڭتۇستىگىندە 38 گرادۋس قاتتى ىستىق بولادى.
تۇندە اقتوبە وبلىسىنىڭ سولتۇستىگىندە, شىعىسىندا, كۇندىز سولتۇستىگىندە, باتىسىندا نايزاعاي, بۇرشاق بولجانادى. باتىستان, سولتۇستىك-باتىستان جەل سوعادى, نايزاعاي كەزىندە ەكپىنى 15-20 م/س ارتادى.
جەتىسۋ وبلىسىندا وڭتۇستىك-شىعىستان جەل سوعادى, ءوڭىردىڭ شىعىسىندا كۇندىز ەكپىنى 15-20 م/س جەتەدى. وبلىستىڭ باسىم بولىگىندە توتەنشە ءورت قاۋپى ساقتالادى.
اباي وبلىسىنىڭ وڭتۇستىگىندە 36 گرادۋس ىستىق بولادى. توتەنشە ءورت قاۋپى ساقتالادى.
قوستاناي وبلىسىنىڭ سولتۇستىگىندە, شىعىسىندا, وڭتۇستىگىندە نايزاعاي, بۇرشاق, داۋىل كۇتىلەدى. سولتۇستىك-شىعىستان جەل سوعادى, وبلىستىڭ سولتۇستىگىندە, شىعىسىندا, وڭتۇستىگىندە كۇشى 15-20 م/س ارتادى.
تۇركىستان وبلىسىنىڭ تاۋلى اۋداندارىندا سولتۇستىك-باتىستان جەل سوعادى, كۇشى 15-20 م/س قۇرايدى. ءوڭىردىڭ باسىم بولىگىندە توتەنشە ءورت قاۋپى ساقتالادى.
كۇندىز پاۆلودار وبلىسىنىڭ باتىسىندا نايزاعاي ويناپ, وڭتۇستىك-شىعىستان جەل سوعادى. نايزاعاي كەزىندە جەلدىڭ ەكپىنى 15-20 م/س جەتەدى.
تۇندە سولتۇستىك قازاقستان وبلىسىنىڭ وڭتۇستىك-باتىسىندا, كۇندىز سولتۇستىگىندە, باتىسىندا نايزاعاي كۇتىلەدى. سولتۇستىك-شىعىستان, شىعىستان جەل سوعادى, كۇندىز ءوڭىردىڭ سولتۇستىگىندە, باتىسىندا جىلدامدىعى 15-20 م/س ارتادى.