بۇل تۋرالى قر پرەزيدەنتى قاسىم-جومارت توقاەۆ ورتالىق ازيا مەملەكەتتەرى باسشىلارىنىڭ IV كونسۋلتاتيۆتىك كەزدەسۋىندە ايتتى, دەپ حابارلايدى Egemen.kz.
«مەملەكەتارالىق جانە ەتنوسارالىق ارازدىقتى قوزدىرۋ ارقىلى ەلدەرىمىزدى الالاۋعا جانە قارىم-قاتىناستارىمىزعا سىزات تۇسىرۋگە باعىتتالعان كەز كەلگەن ارەكەتكە توتەپ بەرۋ ءۇشىن بىرىگۋىمىز قاجەت. وكىنىشكە قاراي, ءالى كۇنگە دەيىن بۇقارالىق اقپارات قۇرالدارىمىز ايماق ەلدەرىندە بولىپ جاتقان وقيعالار تۋرالى جاڭالىق تاراتۋ جاعىنان اقساپ تۇرعانى بايقالادى. مۇمكىندىگىنشە, بۇل ءۇردىستى وزگەرتۋ كەرەك», دەدى ق.توقاەۆ.
وسى ورايدا ول بۇكىلايماقتىق تەلەارنا نەمەسە اقپاراتتىق ينتەرنەت-سايتىن اشۋ كەرەكتىگىن ايتتى.
«وسى ماسەلەلەردى ەگجەي-تەگجەيلى پىسىقتاۋ ءۇشىن ورتالىق ازيانىڭ سالالىق مەكەمەلەرى مەن اقپاراتتىق اگەنتتىكتەرى باسشىلارىنىڭ جيىنىن تۇراقتى تۇردە وتكىزىپ وتىرۋ پايدالى بولماق», دەدى پرەزيدەنت.