الماتى قالاسىنىڭ اكىمى ەربولات دوساەۆ الاتاۋ اۋدانى تۇرعىندارىمەن كەزدەسۋ بارىسىندا اتالعان اۋداندا كوپسالالى اۋرۋحانا سالىناتىنىن ايتتى, دەپ حابارلايدى Egemen.kz.
اكىمنىڭ ايتۋىنشا, بيىل «سايالى» جانە «قاراسۋ» شاعىناۋداندارىندا كۇنىنە 200 ادامدى قابىلدايتىن دارىگەرلىك امبۋلاتوريا سالىنادى. بۇگىنگى تاڭدا قۇرىلىس-مونتاجداۋ جۇمىستارىن جۇرگىزەتىن كومپانيالاردى انىقتاۋعا بايقاۋ جاريالانعان. قۇرىلىس وسى جىلدىڭ قىركۇيەك ايىندا باستالىپ, 2023 جىلدىڭ ماۋسىمىندا اياقتالادى دەپ جوسپارلانعان.
«الاتاۋ اۋدانىندا كوپسالالى اۋرۋحانا سالۋ تۋرالى شەشىم قابىلداندى. مۇندا پەرزەنتحانا, دياگنوستيكالىق جانە وڭالتۋ ورتالىقتارى بولادى. كەلەسى جىلى كوپسالالى اۋرۋحانانىڭ جوبالاۋ-سمەتالىق قۇجاتتاماسى جاسالادى», دەدى ە.دوساەۆ.