الەكساندر بۋبليك نيۋپورت ءتۋرنيرىنىڭ فينالىنا شىقتى

قازاقستاندىق تەننيسشى جارتىلاي فينالدا دۇنيەجۇزىلىك رەيتينگتە 102-ورىندا تۇرعان اۋستراليالىق دجەيسون كۋبلەرمەن كۇش سىناستى. ءبىرىنشى پارتيادا برەيك جاساعان بۋبليك سول باسىمدىلىعىن ساقتاي الدى - 6:3. ەكىنشى سەتتە قارقىنىن ءتىپتى ۇدەتتى - 6:2.

ءبىر ساعاتتان استام ۋاقىتقا سوزىلعان ماتچتا ا.بۋبليك 15 ەيس جاساپ, 10 برەيك-پوينتتىڭ ۇشەۋىن پايدالانا ءبىلدى. قازاقستاندىق سپورتشى فينالدا رەيتينگتە وزىنەن ءبىر ساتى جوعارى تۇرعان امەريكالىق ماكسيم كرەسسيمەن باس جۇلدەنى ساراپقا سالادى. ول جارتىلاي فينالدا تاعى ءبىر امەريكالىق, الەمنىڭ 22-راكەتكاسى دجون يزنەردى ۇتتى - 6:2, 4:6, 6:3.