قازاقستاندىق, الەمنىڭ 32-راكەتكاسى يۋليا پۋتينتسەۆا بۋداپەشت WTA 250 ءتۋرنيرىنىڭ فينالىنا شىعا المادى, دەپ حابارلايدى Egemen.kz.
جارىستىڭ 3-راكەتكاسى بولىپ تىركەلگەن قازاقستاندىق تەننيسشى جارتىلاي فينالدا دۇنيەجۇزىلىك رەيتينگتە 105-ورىندا تۇرعان سەربيالىق الەكساندرا كرۋنيچپەن كەزدەستى.
سەربيالىق تەننيسشى 6:2, 6:2 ەسەبىمەن جەڭىسكە جەتتى.
ءبىر ساعاتتان استام ۋاقىتقا سوزىلعان ماتچتا ا.كرۋنيچ 10 برەيك-پوينتتىڭ تورتەۋىن پايدالانا ءبىلدى.
سەربيالىق تەننيسشى فينالدا الەمنىڭ 53-راكەتكاسى, ماجارستاندىق اننا بوندار نەمەسە رەيتينگتە 130-ساتىداعى امەريكالىق بەرناردا پەرانىڭ بىرەۋىمەن باس جۇلدەنى ساراپقا سالادى.
وتكەن جىلى وسى دودادا يۋ.پۋتينتسەۆا چەمپيون اتانعان بولاتىن. بيىل جارتىلاي فينالدان اسا الماي, رەيتينگىلىك ۇپايلارىن جوعالتتى.