قازىر «حيميك» ستاديونى ماڭايىندا جاڭا نىساننىڭ ىرگەتاسى قۇيىلىپ جاتىر, دەپ حابارلايدى Egemen.kz.
كەشەننىڭ اۋماعى – 9 مىڭ شارشى مەتر. مۇندا ويىن الاڭىنان بولەك 30 ورىندىق جاتاقحانا جانە وڭالتۋ زالى بولادى. جوباعا 2 ملرد 600 ملن تەڭگە باعىتتالىپ وتىر. قۇرىلىسقا قاجەتتى نەگىزگى ماتەريالدار شەتەلدەن تاسىمالدانادى. فۋتبول الاڭىنىڭ توبەسىندە جابىندى بولادى. سايكەسىنشە جاسوسپىرىمدەر اكادەميادا قىسى-جازى جاتتىعا الادى. سپورت كەشەنىن كەلەر جىلدىڭ مامىر ايىندا تاپسىرۋ جوسپارلانعان. دەسە دە, اكىمدىك وكىلدەرى قۇرىلىستىڭ مەرزىمىنەن بۇرىن اياقتالۋى مۇمكىن ەكەنىن ايتادى.
«فۋتبول اقتوبە قالاسىندا وتە جاقسى دامىپ كەلە جاتىر جانە جانكۇيەرلەرىمىز دە وتە كوپ. سوعان بايلانىستى وسى عيماراتتى سالۋ بويىنشا جۇمىستار جۇرگىزىلىپ جاتىر. بۇل 7 جاستان 17 جاسقا دەيىنگى دارىندى بالالارعا ارنالعان. ەگەر كەدەندىك راسىمدەردەن بارلىعى جاقسى بولاتىن بولسا, وسى جىلدىڭ اياعىنا دەيىن تاپسىرۋدى جوسپارلاپ وتىرمىز», دەدى قالالىق قۇرىلىس ءبولىمى باسشىسىنىڭ ورىنباسارى اسلان جاراسباەۆ.