ەلوردادا مۇقتاج وتباسىلارعا ەت تاراتىلدى

نۇر-سۇلتان قالاسى اكىمدىگى جانە «استانا جاستارى» جرو ۆولونتەرلەرى جانە اۆتوۆولونتەرلەرىنىڭ ۇيىمداستىرۋمەن الەۋمەتتىك از قامتىلعان وتباسىلارعا جانە مۇقتاج جاندارعا ەت تاراتىلدى.

«قۇربان ايت مەرەكەسىنە وراي نۇر-سۇلتان قالاسىنىڭ بەلسەندى جاستارى, قالا تۇرعىندارى, اۋداندىق اكىمدىكتەردىڭ, قالالىق باسقارمالاردىڭ وكىلدەرى بىرىگە وتىرىپ, ءۇش كۇن بويى مۇقتاج ازاماتتارعا ەت تاراتۋدى ۇيىمداستىرىپ جاتىرمىز. بۇگىنگى ءىس-شاراعا ۆولونتەرلەر مەن اۆتوۆولونتەرلەر قاتىسىپ وتىر. ولاردىڭ جالپى سانى 500-دەن اسادى. بۇل ءىس-شارا اكىمدىكتىڭ قولداۋىمەن سوڭعى بەس جىلدا تۇراقتى تۇردە جۇزەگە اسىرىلىپ كەلە جاتىر», دەدى «جاستار ساياساتى ماسەلەلەرى باسقارماسى» مم ءبولىم باسشىسى ايان ەرمەنتاەۆ.

بۇل ءىس-شارانىڭ باستى ماقسات – قاسيەتتى مەرەكەدە مۇسىلماندىق پارىزدى ورىنداۋ, مۇقتاج جاندارعا كومەكتەسۋ. اتالعان يگى ءىستىڭ باسى-قاسىندا جۇرگەن جانداردىڭ ءبىرى – ۆولونتەر دامير ايتىموۆ.

«قۇربان ايت مەرەكەسىنە ورايلاستىرىلىپ وتكىزىپ جاتقان بۇل ءىس-شارانىڭ ساۋابى مول. قۇرباندىققا شالعان مال ەتىنىڭ ءبىر بولىگىن الەۋمەتتىك از قامتىلعان وتباسىلار مەن مۇقتاج جاندارعا تاراتىپ بەرىپ جاتىرمىز. كوڭىل-كۇيىمىز كەرەمەت. وسىندا يگى ىسكە اتسالىسقانىما قۋانىشتىمىن», دەيدى ۆولونتەر دامير ايتىموۆ.

ايتا كەتەيىك, ەلوردالىق ۆولونتەرلەر بۇعان دەيىنگى مەرەكەلەردە دە مۇقتاج وتباسىلارعا ازىق-ت ۇلىك سەبەتىن تاراتىپ, ساۋاپتى ىسكە مۇرىندىق بولىپ ءجۇر.

ەسكە سالا كەتەيىك, نۇر-سۇلتاندا بەكىتىلگەن مال سويۋ ورىندارىندا قۇرباندىق شالۋ ساعات 8.00-دەن 18.00-گە دەيىن وتەدى.

سونداي-اق مۇنى «QURBAN2022.kz» قازاقستان مۇسىلماندارى ءدىني باسقارماسىنىڭ سايتى ارقىلى دا ونلاين جاساۋعا بولادى. مال سويۋ ءۇشىن مىنا ەلوردادا 7 ورىن بەلگىلەنگەن بولاتىن.

«قۇربان ايت» مەرەكەسى كۇندەرى حالىققا قۇرباندىق شالۋ جانە تاعى باسقا دا ءدىني ماسەلەلەر بويىنشا اقپارات الۋ ءۇشىن تاۋلىك بويى «109» Call-center جۇمىس ىستەيدى.