مەملەكەت باسشىسى قاسىم-جومارت توقاەۆ جاپونيانىڭ بۇرىنعى پرەمەر-ءمينيسترى سيندزو ابەنىڭ تەزىرەك جازىلىپ, وتباسىنا ورالۋىنا تىلەۋلەس ەكەنىن جەتكىزدى, دەپ حابارلايدى Egemen.kz.
«جاپونيانىڭ بۇرىنعى پرەمەر-ءمينيسترى سيندزو ابەگە جاسالعان قاستاندىقتى قازاقستان جۇرتشىلىعى اۋىر قابىلداپ, الاڭداۋشىلىق ءبىلدىرىپ وتىر. بەلگىلى ساياساتكەردىڭ تەزىرەك ساۋىعىپ, وتباسىنا ورالۋىنا تىلەكتەستىك بىلدىرەمىن», دەپ جازدى قاسىم-جومارت توقاەۆ Instagram پاراقشاسىندا.
ەسكە سالا كەتەيىك, بۇگىن تاڭەرتەڭ جاپونيانىڭ بۇرىنعى پرەمەر-ءمينيسترى سيندزو ابەگە قاستاندىق جاسالعان ەدى. ليبەرال-دەموكراتيالىق پارتيانىڭ بۇرىنعى باسشىسى جاراقات العانى حابارلانىپ وتىر.
ايانا توعانبەك