«قازپوشتا» اق جەكە تۇلعالاردى ارتىق شىعىننان ارىلتىپ, قاراجاتتى ءبىر-بىرىنە اۋدارۋعا مۇمكىندىك بەرەدى. اتاپ ايتقاندا, قازاقستان رەسپۋبليكاسىنىڭ جەكە تۇلعالارى قارجى ينستيتۋتتارىنىڭ, جەدەل تولەم جۇيەسىنە (بۇدان ءارى – جمج) قاتىسۋشىلاردىڭ پايداسىنا تەك 1 تەڭگەلىك كوميسسيا ارقىلى جارتى ميلليون تەڭگەگە دەيىنگى اقشا اۋدارا الادى.
مۇنداي اۋدارىم قازپوشتانىڭ رost.kz ءموبيلدى قوسىمشاسى ارقىلى تەلەفون نومىرىمەن جۇزەگە اسىرىلادى. اۋدارىم كليەنتتەردىڭ بانك شوتىنا بىردەن تۇسەدى.
ءتيىمدى قىزمەتكە قول جەتكىزۋ وڭاي. جەكە تۇلعا قازپوشتاداعى جارامدى بانك شوتىن تاڭداپ, وعان جمج بەلگىسىن قويۋى كەرەك. مۇنى Post.kz ءموبيلدى قوسىمشاسىنداعى جەكە كابينەتتە ونلاين-رەجىمدە جاساۋعا بولادى.
اقشا اۋدارىمىن 4 قاداممەن جۇزەگە اسىرۋعا بولادى:
«جمج ارقىلى تەلەفون ءنومىرى بويىنشا اۋدارىمدار» بولىمىنە ءوتۋ. اقشا اۋدارۋ جوسپارلانعان بانكتىك شوتتى تاڭداۋ. الۋشىنىڭ تەلەفون ءنومىرىن ەنگىزۋ نەمەسە تەلەفون كىتاپشاسىنان تاڭداۋ. الۋشى بانكتى تاڭداپ, اۋدارىم سوماسىن كورسەتۋ.اۋدارما جۇزەگە اسىرىلدى!
اۋدارىم ۇلتتىق بانك ىسكە قوسقان لەزدىك تولەم جۇيەسىمەن قولجەتىمدى. مۇنداي جاڭارتۋدى Post.kz تەلەفون نومىرىمەن Android جانە iOS نەگىزىندەگى سمارتفون يەلەرى قولدانا الادى.